গুৱাহাটী, 3 ছেপ্তেম্বৰ : অৱশেষত গুৱাহাটী বিশ্ববিদ্যালয় কৰ্তৃপক্ষই ঘোষণা কৰিলে বি.এডৰ চূড়ান্ত বৰ্ষৰ পৰীক্ষাৰ সময়সূচী । বৃহস্পতিবাৰে সন্ধিয়াৰ ভাগত প্ৰকাশ কৰা হয় পৰীক্ষাৰ সময়সূচী । সময়সূচী অনুসৰি, 15 তাৰিখৰ পৰা 20 তাৰিখৰ ভিতৰত অনুষ্ঠিত হ'ব পেক্টিকেল পৰীক্ষা আৰু 22 তাৰিখৰ পৰা 29 তাৰিখৰ ভিতৰত অনুষ্ঠিত হ'ব লিখিত পৰীক্ষা ।
উল্লেখ্য যে, কৰ'ণা মহামাৰীৰ বাবে পৰীক্ষা অনুষ্ঠিত কৰাৰ সময়সূচী নিৰ্ধাৰণ কৰা নাছিল বিশ্ববিদ্যালয় কৰ্তৃপক্ষই । যাৰবাবে শিক্ষাৰ্থী সকলে বৃহস্পতিবাৰে উপাচাৰ্যৰ কাৰ্যালয়ৰ সন্মুখত প্ৰতিবাদ সাব্যস্ত কৰিছিল । পৰীক্ষা সমূহ শীঘ্ৰে অনুষ্ঠিত কৰি 30 ছেপ্তেম্বৰৰ ভিতৰত ফলাফল ঘোষণাৰ দাবীৰে প্ৰতিবাদ কৰিছিল শিক্ষাৰ্থীসকলে । এই প্ৰতিবাদৰ পিচতে কৰ্তৃপক্ষই ঘোষণা কৰিলে সময়সূচী ।
লগতে পঢ়ক : অভিনেত্ৰী চেতনা দাসৰ স্বামীৰ দেহাৱসান
