গুৱাহাটী, 4 মে’ : মহানগৰীৰ গণেশগুৰিৰ হেঙেৰাবাৰী পথত উদ্ধাৰ এজন যুৱকৰ মৃতদেহ । অনলাইন খাদ্য যোগানকাৰী প্ৰতিষ্ঠান ছুইগীত কৰ্মৰত দীপাংকৰ বৰাৰ মৃত্যু(Dead body of Swiggy employee recovered in Ganeshguri) । পথৰ দাঁতিত থকা দেৱালত ৰৈ থকা অৱস্থাতে মঙলবাৰে নিশা মৃত্যু ঘটে এই যুৱকজনৰ ৷ বুধবাৰে পুৱা পথৰ দাঁতিত পৰি থকা অৱস্থাত যুৱকজনক প্ৰত্যক্ষ কৰে স্থানীয় লোকে ।
পৰৱৰ্তী সময়ত স্থানীয় লোকে কৰ্মচাৰীজনক চিকিৎসালয়লৈ নিয়ে যদিও মৃত ঘোষণা কৰে চিকিৎসকে । মৃত দীপাংকৰ বৰাৰ ঘৰ মাণিকনগৰত বুলি জানিব পৰা গৈছে । অৱশ্যে যুৱকজনৰ মৃত্যুৰ কাৰণ বৰ্তমানলৈকে জানিব পৰা হোৱা নাই ৷
উল্লেখ্য যে, যুৱকজনৰ আকস্মিক মৃত্যুৱে ৰহস্যৰ সৃষ্টি কৰিছে ৷ একাংশ লোকে সন্দেহ প্ৰকাশ কৰা অনুসৰি, এয়া পৰিকল্পিত হত্যাকাণ্ড হ’ব পাৰে ৷ অৱশ্যে যুৱকজনৰ শৰীৰত লাভ কৰা নাই কোনো আঘাতৰ চিন ৷
অপৰাধ অনুসন্ধান শাখা(Central Bureau of Investigation)ৰ তথ্য অনুসৰি, বিগত বৰ্ষৰ জানুৱাৰী মাহৰ পৰা নৱেম্বৰ মাহলৈ গুৱাহাটী মহানগৰীত সংঘটিত হৈছিল 41 টাকৈ হত্যাকাণ্ড । আৰক্ষী আৰু নিৰাপত্তাৰক্ষীৰে গিজগিজাই থকা মহানগৰীৰ পূৱ আৰক্ষী জিলাতেই সংঘটিত হৈছিল সৰ্বাধিক হত্যাকাণ্ড (Murder cases in Guwahati) ৷
