হোজাই, 7 ছেপ্টেম্বৰ: হোজাইৰ লংকা বজাৰৰ সন্মূখত ভয়ংকৰ পথ দুৰ্ঘটনা (Road accident at Lanka) ৷ ট্ৰাকৰ চেপাত মৃত্যু এগৰাকী মহিলাৰ (Woman killed in Road accident) ৷ মহিলাগৰাকীৰ নাম জুনু বৰা বুলি জানিব পৰা গৈছে ৷ মহিলাগৰাকী কাকীৰ মুদৈয়নীৰ নিৱাসী ৷
লংকা বজাৰৰ সন্মূখত পথৰ দুৰাৱস্থাৰ বাবেই এনে মৰ্মান্তিক ঘটনা সংঘটিত হ’বলৈ পালে বুলি ৰাইজে অভিযোগ উত্থাপন কৰে ৷ ইতিমধ্যে দুৰ্ঘটনাৰ পিছতে মহিলাগৰাকীক লংকা প্ৰাথমিক চিকিৎসালয়লৈ প্ৰেৰণ কৰা হৈছিল যদিও চিকিৎসকে মৃত বুলি ঘোষণা কৰে ৷ আনহাতে এই পথ দুৰ্ঘটনা সংঘটিত হোৱাৰ পিছতে জাঙুৰ খাই উঠে স্থানীয় ৰাইজ (Poor condition of road) ৷
উত্তেজিত ৰাইজে লংকা বজাৰৰ সন্মূখত লংকা-নগাঁও সংযোগী পথচোৱা অৱৰোধ কৰি পৰিস্থিতি উত্তপ্ত কৰি তোলে ৷ অৱশ্যে পৰৱৰ্তী সময়ত ঘটনাস্থলীত আৰক্ষী উপস্থিত হৈ পৰিস্থিতি নিয়ন্ত্ৰণ কৰে ৷ ইফালে আৰক্ষীয়ে দুৰ্ঘটনা সংঘটিত কৰা ট্ৰাকখন জব্দ কৰাৰ লগতে চালকজনক আটক কৰে ৷
লগতে পঢ়ক: লোকসেৱা আয়োগৰ নতুন অধ্যক্ষ দেৱ চৌধুৰীলৈ ন্যায়াধীশ শৰ্মা আয়োগৰ জাননী
