হোজাই, 30 জুলাই : হোজাইত উপায়ুক্তৰ কাৰ্যালয়ৰ সন্মুখত সদৌ অসম চাহ জনজাতি ছাত্ৰ সন্থা(আটচা)ৰ প্ৰতিবাদ । জিলা সদৰ শংকৰদেৱ নগৰস্থিত জিলা উপায়ুক্তৰ কাৰ্যালয়ৰ সন্মুখত সদৌ অসম চাহ জনজাতি ছাত্ৰ সন্থা(আটচা)ই বিভিন্ন দাবীৰে প্ৰতিবাদ সাব্যস্ত কৰে ।
সদৌ অসম চাহ জনজাতি ছাত্ৰ সন্থাৰ প্ৰতিবাদ
বিজেপি চৰকাৰৰ বিৰুদ্ধে বিভিন্ন শ্ল'গান দি উত্তাল প্ৰতিবাদ সাব্যস্ত কৰে ছাত্ৰ সংগঠনটোৱে ৷
কোভিড-19ৰ সময়ছোৱাত চাহ জনজাতীয় ছাত্ৰ-ছাত্ৰীৰ বাবে আৱন্টিত ছাত্ৰ বৃত্তিৰ তথা জনগোষ্ঠীয় উন্নয়নৰ বাবে আৱন্টিত বিভিন্ন আঁচনিত সংঘটিত হোৱা ব্যাপক দুৰ্নীতিৰ বাবেই এইদৰে প্ৰতিবাদ সাব্যস্ত কৰে ছাত্ৰ সংগঠনটোৱে ৷
সদৌ অসম চাহ জনজাতি ছাত্ৰ সন্থাৰ প্ৰতিবাদ
ছাত্ৰ সংগঠনটোৱে চাহ জনজাতীয় মন্ত্ৰী সঞ্জয় কিষানৰ পুত্তলিকা দাহ কৰাৰ লগতে আগন্তুক দিনত আটচাৰ দাবীসমূহ পূৰণ নহ'লে হাতত ধনু-কাৰ আৰু যাঠি জোং তুলি লোৱাৰ হুংকাৰ প্ৰদান কৰে আটচাৰ সদস্যসকলে ।
