হোজাই, 30 ডিচেম্বৰ : যান-বাহন চলোৱাৰ নীতি-নিয়ম পালনৰ ক্ষেত্ৰত চৰকাৰী নীতি-নিৰ্দেশনাক ৰাইজে মানি চলিছেনে নাই সেই বিষয়ে সষ্টম হৈ পৰিছে আৰক্ষীৰ লগতে হোজাই জিলা পৰিবহণ বিভাগ (Operation against dringk and drive in Hojai) ৷ বাইকত যোৱা সকলৰ লগত হেলমেট, নথি-পত্ৰ নাথাকিলে লগতে বাইকত উঠি যোৱা দুয়োজনৰে মূৰত হেলমেট নাথাকিলে জৰিমনা বিহিছে হোজাই জিলা আৰক্ষীয়ে ৷

চাৰি চকীয়া বাহনৰ চালকে ছিট বেল্ট পৰিধান নকৰিলে জৰিমনা ভৰিব লগা হৈছে ৷ বিশেষকৈ 31 ডিচেম্বৰৰ পূৰ্বে মটৰ চাইকেল চালক আৰু আৰোহী উভয়ে হেলমেট পৰিধান নকৰা দুচকীয়া বাহনৰ বিৰুদ্ধে হোজাই জিলা পৰিবহন বিভাগৰ বিষয়া কৰ্মচাৰী সকলে আৰক্ষীৰ সহযোগত ডবকা-নীলবাগানত তীব্ৰ অভিযান আৰম্ভ কৰিছে (Hojai Police operation against dringk and drive) ৷

চালক আৰু আৰোহী উভয়ে হেলমেট অবিহনে আৰোহী উঠাই অনা মটৰচাইকেল আৰোহীক 1,000 টকাৰ পৰা 6,000 টকা পর্যন্ত জৰিমনা বিহা হৈছে ৷ হোজাই এনফৰ্চমেন বিষয়া মুখলেচুৰ ৰহমানে সদৰি কৰামতে, বুধবাৰে নীলবাগানৰ 54 নং ৰাষ্ট্ৰীয় ঘাই পথত অভিযান চলাই 80,000 টকা জৰিমনা উঠাইছে আৰক্ষী আৰু জিলা পৰিবহণ বিভাগে ৷

লগতে পঢ়ক: Drink and drive : ফু-মাৰি প্ৰমাণ দিয়ক মদ খাইছে নেকি আপুনি