লংকাত দিন দুপৰতে চুৰি

চোৰে লুটিলে দুই লক্ষাধিক মূল্যৰ আ-অলংকাৰ

হোজাই,২৩ ফেব্ৰুৱাৰীঃ শনিবাৰে হোজাইৰ লংকা চহৰৰ ৩নং ৱাৰ্ডত দিনদুপৰতে সংঘটিত হয় চুৰিকাণ্ড।

এখন ব্যক্তিগত বিদ্যালয়ত শিক্ষক হিচাপে কৰ্মৰত দুই পতি-পত্নী বিদ্যালয়ত থকাৰ সময়তেই দুৰ্বৃত্তই লুটি লৈ যায় ২ লক্ষাধিক টকা মূল্যৰ সোণৰ আ-অলংকাৰ।

উল্লেখ্য যে, বিগত পষেকটোত চহৰখনৰ এটি ব্যক্তিগত প্ৰতিষ্ঠানতো ডকাইটিৰ কাণ্ড সংঘটিত হৈছিল। লংকা আৰক্ষী থানাৰ সমীপত সংঘটিত হোৱা উক্ত ঘটনাৰ পাচতেই শনিবাৰে পুনৰ সংঘটিত হ'ল চুৰিকাণ্ড।