হোজাই, 2 জানুৱাৰী : হোজাই জিলা প্ৰশাসনে বনভোজৰ গাড়ীলৈ দিছে শেনচকু (Hojai administration keeping sharp eyes on picnic vehicles) ৷ বছৰৰ আৰম্ভণিতে কোনেও যাতে অপ্ৰীতিকৰ পৰিস্থিতিৰ সন্মুখীন হ’বলগীয়া নহয়, তাৰ প্ৰতি লক্ষ্য ৰাখি হোজাই আৰক্ষীয়ে গ্ৰহণ কৰিছে এই পদক্ষেপ ৷
হোজাই জিলাৰ এনফ’ৰ্চমেণ্ট বিষয়াই লংকা আৰক্ষীৰ সহযোগত স্থানীয় বাছ আস্থানত শনিবাৰে নিশা চলাই অভিযান ৷ বিশেষকৈ ডিমা হাছাও পাৰ্বত্য জিলাৰ পৰা নগাঁও অভিমুখে অহা সৰু-বৰ বনভোজৰ বাহনসমূহৰ চালকসকলে সুৰা সেৱন কৰিছেনে নাই, সেই বিষয়ে নিৰীক্ষণ কৰে হোজাই প্ৰশাসনে ৷
উল্লেখ্য যে, এই সময়ত ডিমা হাচাও জিলাৰ উকা আৰু পানীমূৰ নামৰ দুই বনভোজস্থলীলৈ অসমৰ বিভিন্ন প্ৰান্তৰ পৰা বনভোজ খাবলৈ অহা দলৰ সমাগম হয় ৷ সেয়েহে বনভোজস্থলীত যাতে কোনো অপ্ৰীতিকৰ ঘটনা সংঘটিত নহয়, তাৰ প্ৰতি লক্ষ্য ৰাখি মুখ্যমন্ত্ৰীৰ নিৰ্দেশনামৰ্মে হোজাইত আৰক্ষীয়ে গ্ৰহণ কৰিছে এই পদক্ষেপ ৷
তাৰ লগে লগে বাইকত অহা আৰোহীৰ হেলমেটৰ লগতে বাইক-স্কুটীৰ নথিপত্ৰ নিৰীক্ষণ কৰে আৰক্ষীৰ দলটোৱে ৷ বাইকৰ দৰে অন্যান্য দুচকীয়া বাহনত অহা হেলমেটবিহীন লোকসকলকো আৰক্ষীয়ে বিহিলে জৰিমনা ৷
লগতে চাওক : ৩১ ডিচেম্বৰৰ নিশা ৰাজ্যত সংঘটিত হ'ল ১০৭ টা পথ দুৰ্ঘটনা
