গোলাঘাট, 19 মে’: গোলাঘাটত মঙলবাৰে অসম নগৰ পানী যোগান আঁচনিৰ অধ্যক্ষ ড0 নোমল মমিন উপস্থিত হৈ পৰিদৰ্শন কৰে গোলাঘাটৰ এৰেঙ্গাপাৰাস্থিত নগৰ পানী যোগান আঁচনিটো । উল্লেখ্য যে, এটা মটৰ বেয়া হোৱাৰ ফলত গোলাঘাটবাসী ৰাইজে লাভ কৰা নাই খোৱাপানী। এই সকলো সমস্যা সমাধানৰ নিমিত্তে গোলাঘাটত উপস্থিত হয় বিধায়কগৰাকী । পানী যোগান আঁচনিৰ সকলো দিশ পৰ্যবেক্ষণ কৰাৰ পিছতেই কংগ্ৰেছৰ পূৰ্বৰ কাম-কাজক লৈ সৰৱ হৈ উঠে তেওঁ।
গোলাঘাটত পানী যোগান আঁচনি পৰিদৰ্শন বিধায়ক ড0 নোমল মমিনৰ
গোলাঘাট নগৰৰ 13 টা ৱাৰ্ডৰ ভিতৰত কেৱল 4 টা ৱাৰ্ডেহে আঁচনিৰ জৰিয়তে পানী লাভ কৰিছে আৰু বাকী 9 টা ৱাৰ্ডে আজি পৰ্যন্ত খোৱা পানী লাভ কৰা নাই বুলি সদৰী কৰে । খোৱাপানীৰ এই সমস্যাটো অতি শীঘ্ৰেই সমাধান কৰিবলৈ ইতিমধ্যে 9 কোটি টকা আবণ্টিত হোৱা বুলি বিধায়কগৰাকীয়ে জানিবলৈ দিয়ে ৷
