গোৱালপাৰা, ১৯ মাৰ্চ: ৩৭ নং গোৱালপাৰা পূৱ সমষ্টিৰ মহাজোঁটৰ কংগ্ৰেছ প্ৰাৰ্থী এ কে ৰচিদ আলমে শুকুৰবাৰে মনোনয়ন পত্ৰ দাখিল কৰে । তেওঁৰ সমৰ্থনত গোৱালপাৰা চহৰৰ মাজেৰে বিশাল সমদল উলিয়ায় দলীয় কৰ্মকৰ্তাই । সমদলত বিভিন্ন কলা-কৃষ্টি প্ৰদৰ্শন কৰা হয় আৰু সহস্ৰাধিক লোকে অংশগ্ৰহণ কৰে । দলৰ নেতা-কৰ্মীসকলৰ সৈতে তেওঁ জিলা উপায়ুক্ত কাৰ্যালয়ত উপস্থিত হয় ।
জিলা উপায়ুক্ত কাৰ্যালয়ৰ নিৰ্বাচনী শাখাত মনোনয়ন পত্ৰ দাখিল কৰে কংগ্ৰেছৰ প্ৰাৰ্থীগৰাকীয়ে । মনোনয়ন পত্ৰ দাখিলৰ সময়ত তেওঁৰ লগতে থাকে গোৱালপাৰা জিলা কংগ্ৰেছৰ সভাপতি আব্দুছ চামাদ সৰকাৰ আৰু এ আই ইউ ডি এফ দলৰ কেন্দ্ৰীয় সম্পদক আব্দুল হাই । গোৱালপাৰা সমষ্টিত কংগ্ৰেছৰ বিজয় নিশ্চিত বুলি দাবী কৰে প্ৰাৰ্থীগৰাকীয়ে ।
লগতে পঢ়ক:দেৱলাল গাৰ্লচাক উভতি ধৰিলে প্ৰাক্তন দুই মুখ্য কাৰ্যবাহী সদস্যই
