গোৱালপাৰা,21 আগষ্টঃ খেতিপথাৰৰ ভূমি সংৰক্ষণৰ নামত ব্যাপক কেলেংকাৰী ।অভিযোগ মতে, জিলা খনৰ বিভিন্ন প্ৰান্তত থকা ভূমি সংৰক্ষণ সমিতিসমূহৰ দ্বাৰা এই কেলেংকাৰী সংঘটিত কৰি আছে ভূমি সংৰক্ষণ বিভাগৰ একাংশ কৰ্মচাৰীয়ে ৷মাটিয়া ৰাজহ চক্ৰ কাৰ্যালয়ৰ অন্তৰ্গত পাহাৰসিং পাৰা কমলা বাগানৰ খেতিপথাৰৰ ভূমি সংৰক্ষণৰ বাবে নিৰ্মাণ কৰি আছে পকী দেৱাল । আঁচনিৰ নাম ফলক নলগাকৈ অতি নিম্নমানৰ বাংলাভাটা ইটাৰে কোনো ৰ'ড, পকী খুঁটা আৰু বিম নিদিয়াকৈ ভূমি সংৰক্ষণ বিভাগটোৱে পকী দেৱালয় নিৰ্মাণ কৰি থকাৰ অভিযোগ স্থানীয় ৰাইজৰ ৷
আবন্টিত আঁচনিৰ ধন লুকুৱাই ৰাখি নিজ ইচ্ছা অনুসৰি খেতিপথাৰত নিম্নমানৰ পকী দেৱাল নিৰ্মাণ কৰি থকাৰ অভিযোগ তুলি ক্ষোভিত হৈ পৰিছে পাহাৰসিঙ পাৰা ৰাইজ । এই নিম্নমানৰ কামৰ সন্দৰ্ভত ইতিমধ্যে স্থানীয় কৃষক ৰাইজে অভিযোগ দাখিল কৰিছে জিলা উপায়ুক্তক । ইফালে, পকী দেৱাল নিৰ্মাণ কৰি থকাৰ পাছতো ভূমি সংৰক্ষণ বিভাগটোৰ কোনো বিষয়া- কৰ্মচাৰী উপস্থিত হোৱা নাই অঞ্চলটোত ।
