মৰাণ, 6 এপ্ৰিল: সপোনৰ পিছত দৌৰাত ব্যস্ত এজাক মহিলা ৷ মহিলাৰ দলটোৱে সপোন দেখিছিল নিজৰ আশাক সফল ৰূপ দিয়াৰ ৷ চিনেমাৰ কায়দাৰে কেৱল মহিলাসকলকে নহয়, সাধাৰণ জনতাক সপোন দেখুৱাইছিল মৰাণৰ এগৰাকী ব্যক্তিয়ে ৷ পিছে সপোনৰ বাটত উজুটি খোৱাতহে সম্বিৎ ঘূৰাই পালে মহিলাসকলে ৷ তাৰপিছতে তাঁতবাতি কাঢ়িবলৈ ধৰিলে থানালৈ ৷
এই ঘটনা সংঘটিত হৈছে ডিব্ৰুগড়ত ৷ জানিব পৰা মতে, এটা প্ৰৱঞ্চকে দীৰ্ঘদিন ধৰি ডিব্ৰুগড়ৰ ভিন্ন প্ৰান্তৰ পৰা সাধাৰণ লোক বিশেষকৈ মহিলাসকলক প্ৰলোভন দি সংগ্ৰহ কৰি আহিছিল নগদ ধন (Fraud in Dibrugarh) ৷ এজন-দুজন নহয়, বৰং প্ৰায় শতাধিক লোকৰ পৰা প্ৰৱঞ্চকটোৱে এনেদৰে সংগ্ৰহ কৰে ধন ৷ কোনোজনক ট্ৰেক্টৰ দিয়াৰ নামত, কোনোজনক ঋণ দিয়াৰ নামত নাইবা কোনোজনক বিত্তীয় সাহায্য প্ৰদানৰ নামত প্ৰৱঞ্চকটোৱে সংগ্ৰহ কৰি আহিছিল ধন ৷
টিংখাঙৰ কুমাৰপট্টী অঞ্চলৰ বাসিন্দা ভূপেন বৰুৱা নামৰ ব্যক্তিজনৰ এনে কৰ্মকাণ্ডৰ বিষয়ে পৰৱৰ্তী সময়ত জানিব পাৰে ধন প্ৰদান কৰা ব্যক্তিসকলে ৷
ইয়াৰ পিছৰে পৰা প্ৰৱঞ্চকটোক বিচাৰি এই ব্যক্তিসকলে নিজাববীয়াকৈ অনুসন্ধান চলায় বৃহত্তৰ টিংখাং এলেকাত ৷ কিন্তু ভূপেন বৰুৱাৰ কোনো সন্ধান উলিয়াব নোৱাৰি উপায়বিহীন হৈ কাষ চাপে নাহৰকটীয়া আৰক্ষীৰ (FIR lodge against a fraud at Naharkatia) ৷ আৰক্ষীয়ে বিষয় সন্দৰ্ভত প্ৰাথমিক অনুসন্ধান আৰম্ভ কৰিছে যদিও প্ৰৱঞ্চকটোৰ বৰ্তমানলৈকে কোনো সন্ধান লাভ নকৰা বুলি জানিব পৰা গৈছে ৷
ডিব্ৰুগড়, নাহৰকটীয়া, টিংখাং, দুলীয়াজান, ভাদৈ পাঁচআলি, মৰাণ, ৰাজগড়, চাচনীৰ লগতে ৰাজ্যৰ ভিন্ন প্ৰান্তৰ পৰা নগদ ধন সংগ্ৰহ কৰা প্ৰৱঞ্চকটোৱে আৰক্ষীৰ চকুত ধূলি মাৰি সম্প্ৰতি পলাতক অৱস্থাত আছে ৷ 2021 চনতে মহানগৰী গুৱাহাটীৰ হাতীগড় থানাত নাহৰকটীয়া বৰবামৰ মধুমিতা চেতিয়া হাজৰিকা নামৰ এগৰাকী ভুক্তভোগীয়ে প্ৰৱঞ্চক ভূপেন বৰুৱাৰ বিৰুদ্ধে দাখিল কৰিছিল এজাহাৰ ৷
উক্ত এজাহাৰৰ ভিত্তিতে আৰক্ষীয়ে ভাৰতীয় দণ্ডবিধি আইনৰ অধীনত 95/2021, 406/420 নম্বৰত ৰুজু(Case filed against Bhupen Baruah in Hatigarh Police Station) কৰিছিল এটা গোচৰ ৷ গোচৰ ৰুজু হোৱাৰ পিছতো কিন্তু আজিলৈকে ন্যায় লাভ নকৰিলে মহিলাগৰাকীয়ে ৷ যাৰ বাবে এতিয়া প্ৰৱঞ্চকটোৰ ছলাহী কথাত ভোল যোৱা লোকসকলে কাষ চাপিছে নাহৰকটীয়া আৰক্ষীৰ ৷
লগতে চাওক: পুনৰ বিতৰ্কত শ্ৰীমন্ত শংকৰদেৱ বিশ্ববিদ্যালয়
