মৰাণ, 26 জানুৱাৰী : গণৰাজ্য দিৱসৰ দিনাই মৰাণ আৰক্ষী থানাৰ অন্তৰ্গত তিলৈ নদীৰ দলঙৰ তলত উদ্ধাৰ হয় এটা অচিনাক্ত মৃতদেহ । স্থানীয় লোকে তিলৈ নদীৰ পানীত উপঙি থকা অৱস্থাত প্ৰত্যক্ষ কৰে মৃতদেহটো ৷ পৰৱৰ্তী সময়ত ৰাইজে মৰাণ আৰক্ষী থানাত খবৰ দিয়াত মৰাণ আৰক্ষীয়ে ঘটনাস্থলীত উপস্থিত হৈ মৃতদেহটো উদ্ধাৰ কৰে ।
ক'লা জেকেট আৰু হাৱাই চেণ্ডেল পৰিহিত মৃতদেহটো প্ৰায় ৩৫ বছৰীয়া বয়সৰ কোনো লোকৰ বুলি অনুমান কৰা হৈছে । বাতৰি যুগুত কৰাৰ সময়লৈকে মৃতদেহটো চিনাক্ত হোৱা নাই । ইফালে আৰক্ষীয়ে উদ্ধাৰ কৰা মৃতদেহটো মৰণোত্তৰ পৰীক্ষাৰ বাবে প্ৰেৰণ কৰাৰ লগতে ঘটনাৰ প্ৰাথমিক তদন্ত অব্যাহত ৰাখিছে ৷
লগতে পঢ়ক: গোলাঘাটত উৰিল আলফাৰ পতাকা
