মৰাণ,২৬ ফেব্ৰুৱাৰী: ৰাজ্যত বৃদ্ধি হৈছে অপৰাধমূলক কাৰ্যকলাপ । অপৰাধ নিৰ্মূল কৰিবলৈ ভিন্ন পদক্ষেপ গ্ৰহণ কৰা দেখা যায় ৰাজ্যৰ প্ৰশাসনক । এইবাৰ নিৰাপত্তা ব্যৱস্থা সুনিশ্চিত কৰিবলৈ ডিব্ৰুগড় জিলা প্ৰশাসনেও গ্ৰহণ কৰিছে কেইবাটাও গুৰুত্বপূৰ্ণ পদক্ষেপ । শেহতীয়াকৈ জিলাখনত চিচিটিভি নিৰীক্ষণ আঁচনিৰ অধীনত ৬৫ টা স্পৰ্শকাতৰ অঞ্চলত স্থাপন কৰা হৈছে চিচিটিভি কেমেৰা । ডিব্ৰুগড় পৌৰ সভাৰ পুঁজিৰে স্থাপন কৰা এই চিচিটিভি কেমেৰা সমূহৰ নিৰীক্ষণ লগতে নিয়ন্ত্ৰণ কেন্দ্ৰ শুকুৰবাৰে পৰিদৰ্শন কৰে জিলাখনৰ উপায়ুক্ত পল্লৱ গোপাল ঝাই ।
প্ৰশাসনে লোৱা এই পদক্ষেপৰ বাবে জিলাখনত অসামাজিক কাৰ্যকলাপ কিছু হ্ৰাস হ'ব বুলি আশাবাদী জিলা উপায়ুক্তগৰাকী । জিলা উপায়ুক্তগৰাকীৰ লগত আৰক্ষী অধীক্ষক প্ৰতীক থুবে আৰু অতিৰিক্ত উপায়ুক্ত ৰঞ্জিত কোঁৱৰো উপস্থিত থাকে ।
