জোনাই, ৫ আগষ্ট: ভাৰতৰ স্বাধীনতাৰ ৭৫ বছৰ সম্পূৰ্ণ (75th years of Independence of India) হোৱা উপলক্ষে 'আজাদী কা অমৃত উৎসৱ'(Azadi Ka Amrit Mahotsav)ৰ লগত সঙ্গতি ৰাখি দেশত চলি থকা 'ঘৰে-ঘৰে ত্ৰিৰংগা’ অভিযানে (Har Ghar Tiranga Abhiyan) অসমতো এক গতি লাভ কৰিছে । 'ঘৰে-ঘৰে ত্ৰিৰংগা’ অভিযানৰ ব্যাপক কাৰ্যসূচী আৰম্ভ হৈছে অসমতো ৷ এই উপলক্ষে অহা ১৩ আগষ্টৰ পৰা ১৫ আগষ্টলৈ ঘৰে ঘৰে ত্ৰিৰংগা উত্তোলনৰ কাৰ্যসূচী ৰূপায়ন কৰা হ’ব ৷
ৰাজ্যৰ অন্য প্ৰান্তৰ সমান্তৰালকৈ জোনাইতো ইয়াৰ ব্যাপক প্ৰস্তুতি পৰিলক্ষিত হৈছে (Har Ghar Tiranga Programme in Jonai) ৷ এই কাৰ্যসূচী সফল ৰূপায়ন তথা ৰাইজৰ মাজত সজাগতা বৃদ্ধি কৰিবলৈ বিভিন্ন কাৰ্যসূচী হাতত লৈছে অসম ৰাজ্যিক গ্ৰামীণ মিচন, মূৰ্কংচেলেক খণ্ডই ৷ এই অভিযানৰ অংশ হিচাপে জোনাই মহকুমাৰ প্ৰতিটো পঞ্চায়তৰ বিভিন্ন অঞ্চলত মুঠ ১৯ টা সুলভ মূল্যত জাতীয় পতাকা বিক্ৰী কেন্দ্ৰ মুকলি কৰিছে ৷
"হৰ ঘৰ ত্ৰিৰংগা" কাৰ্যসূচী সফল কৰাৰ লক্ষ্যৰে যোৱা বৃহস্পতিবাৰে জোনাই মহকুমাধিপতিৰ কাৰ্যালয়ত এখন ত্ৰিৰংগা বিক্ৰী কেন্দ্ৰৰ মুকলি কৰিলে জোনাই মহকুমাধিপতি প্ৰদীপ কুমাৰ দ্বিৱেদীয়ে (Tiranga Sales center opened in Jonai) ৷ এই ত্ৰিৰংগা বিক্ৰী কেন্দ্ৰটো মুকলি কৰি মহকুমাধিপতি গৰাকীয়ে সকলোকে ঘৰে ঘৰে পতাকা উত্তোলন কৰিবলৈ আহ্বান জনায় ৷ "হৰ ঘৰ ত্ৰিৰংগা" কাৰ্যসূচীয়ে সকলোৰে মাজত দেশপ্ৰেমৰ ভাৱ জগাই তুলিব বুলি মন্তব্য কৰে মহকুমাধিপতিগৰাকীয়ে ৷
এই কাৰ্যসূচীত জোনাই নিৰ্বাচনী বিষয়া গায়ত্ৰী পাতিৰ, অতিৰিক্ত আয়ুক্ত প্ৰীতম দাসৰ লগতে মূৰ্কংচেলেকৰ খণ্ড বিষয়া দেৱী দত্ত গোস্বামীৰ লগতে আন কেইবাগৰাকীও বিষয়া কৰ্মচাৰী উপস্থিত থাকে ৷
লগতে পঢ়ক: Har Ghar Tiranga Abhiyan: ডিফুত জাতীয় পতাকা বিক্ৰী কেন্দ্ৰ আৰু ছেলফি পইণ্ট মুকলি
