জোনাই, ১৩ ছেপ্টেম্বৰ: বিজেপি ধেমাজি জিলা সভাপতি প্ৰেম দত্ত, ভাৰতীয় জনতা যুৱ মৰ্চাৰ ধেমাজি জিলা প্ৰভাৰী ত্ৰিদিবজ্যোতি মৰাণ আৰু ভাৰতীয় জনতা যুৱ মৰ্চা ধেমাজি জিলা সভাপতি পুলক চুতীয়াৰ অনুমোদনত ভাৰতীয় জনতা পাৰ্টীৰ যুৱ মৰ্চাৰ পুৱ জোনাই মণ্ডলৰ সভাপতি হিচাপে ১২ ছেপ্টেম্বৰ তাৰিখে সন্তোষ বুঢ়াগোহাঁইক নিযুক্তি প্ৰদান কৰে (New president of BJP Yuva Morcha East Jonai mandal) ।
উক্ত নিযুক্তি পত্ৰত স্বাক্ষৰ কৰে ধেমাজি জিলা কমিটিৰ ভাৰতীয় জনতা যুৱ মৰ্চা সাধাৰণ সম্পাদক নৱজিৎ কোঁৱৰে ৷ ইয়াৰ পাছতেই মঙলবাৰে ভাৰতীয় জনতা যুৱ মৰ্চা, পূৱ জোনাই মণ্ডলৰ নৱ নিৰ্বাচিত সভাপতি সন্তোষ বৰগোঁহাইয়ে জোনাইস্থিত বিজেপিৰ নিজা কাৰ্যালয়ত এক সংবাদমেল আয়োজন কৰে(BJP press conference in Jonai) ।
বিজেপিৰ ধেমাজি জিলা আৰু পূৱ জোনাই সকলো কৰ্মকৰ্তাক ধন্যবাদ জ্ঞাপন কৰি পূৱ জোনাই মণ্ডলত আগন্তুক দলৰ হৈ কৰিবলগীয়া কাৰ্যসূচী সমূহ চলাই নিয়াৰ কথা উল্লেখ কৰে সভাপতিগৰাকীয়ে ।
লগতে ১৭ ছেপ্টেম্বৰ পৰা ২ অক্টোবৰলৈকে দেশৰ প্ৰধানমন্ত্ৰী নৰেন্দ্ৰ মোদী জন্মদিন পালন (Prime Minister Narendra Modi birthday), ৰক্ত দান শিবিৰ , বিনামূলীয়া স্বাস্থ্য শিবিৰকে ধৰি যথেষ্ট কৰণীয় কাম আছে গতিকে দলৰ যুৱ শক্তিৰ নেতৃত্বই লৈ দলৰ সকলো কৰ্মকৰ্তাৰ সহায় সহযোগিতাত কম সমূহ সুচাৰুৰূপে কৰি যাব বুলি সংবাদমেল যোগে সদৰী কৰে ।
