জোনাই, 4 নৱেম্বৰ : কালী পূজা(Kali Puja) আৰু দীপাৱলী(Diwali) উপলক্ষে বৃহস্পতিবাৰে পুৱাৰে পৰা জোনাইৰ প্ৰতিটো কালী মন্দিৰ(Kali Temple)ত অগণন ভক্তই ভিৰ কৰা পৰিলক্ষিত হৈছে ৷ কালীৰ দহৰূপৰ অন্যতম শ্যামা কালীক পূজা কৰা হয় এই দিনটোত । সেই উপলক্ষে জোনাইৰ প্ৰতিটো কালী মন্দিৰলৈ আগমন ঘটিছে অগণন ভক্তৰ ৷
জোনাইৰ মুৰ্কংচেলেক লক্ষী নেপালী বস্তিস্থিত দুর্গা মন্দিৰ, বাহিৰ জনাই কালী মন্দিৰ, ললাদ গাঁৱৰ শ্ৰীশ্ৰীমা কালী মন্দিৰ, নামনি বিজয়পুৰ কালী মন্দিৰ আদিত উদযাপন কৰা হৈছে কালী পূজা আৰু পোহৰৰ উৎসৱ দীপাৱলী ৷ এইসমূহ মন্দিৰত নিশাৰ ভাগলৈ চলিব কালী মাৰ পূজাৰ লগতে ছাগলী, হাঁহ আদিৰ বলি-বিধান ।
মন্দিৰসমূহত অগণন ভক্তই মাহ-প্ৰসাদ, ফুলেৰে পৰিয়াল তথা দেশৰ শান্তি-মংগল কামনা কৰি মা কালীৰ চৰণত প্ৰণিপাত জনাই আশীৰ্বাদ বিচৰা পৰিলক্ষিত হৈছে ৷ দীপাৱলীৰ চাকিৰ পোহৰত যেন নাশ হয় অসূয়া-অপ্ৰীতি, সেই উদ্দেশ্যে মন্দিৰত পূজা আগবঢ়াইছে ভক্তসকলে ৷
লগতে পঢ়ক : কালী পূজাৰ প্ৰাকক্ষণত নাহৰকটীয়াৰ কালী মন্দিৰত চুৰিকাণ্ড
