চিৰাং, 13 ডিচেম্বৰ: সংবাদ মাধ্যমত গৰুৰ অবৈধ বেহাৰ বিৰুদ্ধে ধাৰাবাহিক বাতৰি সম্প্ৰচা়ৰ হোৱাৰ পাচতো বৰ্তমানেও ৰাজ্যত অব্যাহত আছে গৰুৰ অবাধ সৰবৰাহ ৷ চিৰাঙৰ বিজনীৰ টোল গেটৰ পৰা দেওবাৰে আৰক্ষীয়ে জব্দ কৰে অবৈধভাৱে কঢ়িয়াই অনা ২৬ টা গৰুসহ এখন ট্ৰাক ।
জানিব পৰা মতে, এক গোপন সুত্ৰৰ পম খেদি বিজনী আৰক্ষীৰ এটা দলে অব্যাহত ৰাখিছিল তালাচী অভিযান ৷ ইয়াৰ পাচতে পশ্চিমবংৰ ধূপগুৰীৰ পৰা বৰপেটাৰোড অভিমুখে আহি থকা অৱস্থাত বিজনী আৰক্ষীয়ে পুৱতি নিশা জব্দ কৰে চোৰাং গৰু ভৰ্তি ট্ৰাকখন ৷ ট্ৰাকখনৰ নম্বৰ হৈছে AS-01-KC-1333 ৷
আৰক্ষীৰ সুত্ৰই সদৰী কৰা অনুসৰি, ট্ৰাক খনৰ পৰা 26 টা গৰু জব্দ কৰাৰ লগতে গ্ৰেপ্তাৰ কৰে 2 জন লোকক ৷ লোক দুজন ক্ৰমে হাউলীৰ আবুল হাছান (২৬) আৰু বৰপেটাৰোডৰ আজগড় আলি(২৬) বুলি জানিব পৰা গৈছে । আৰক্ষীয়ে গ্ৰেপ্তাৰ কৰা লোক দুজনৰ সোধ-পোছ অব্যাহত ৰাখিছে ।
লগতে পঢ়ক: শান্তি সদ্ভাৱনা যাত্ৰাত সৰ্বধৰ্মীয় প্ৰাৰ্থনাৰে প্ৰয়াত তৰুণ গগৈক শ্ৰদ্ধাঞ্জলি
