বৰপেটা, 17 জানুৱাৰী : ৰাজ্যত অব্যাহত আছে বাৰ্মিজ চুপাৰীৰ বিৰুদ্ধে আৰক্ষীৰ অভিযান ৷ বাৰ্মিজ চুপাৰীৰ বিৰুদ্ধে বৰপেটাৰ হাউলীতো আৰক্ষীৰ অভিযান (Assam police on mission against burmese betel nut) ৷ গোপন খবৰৰ ভিত্তিত আজি বৰপেটাৰ উপ আৰক্ষী অধীক্ষক সমীৰ দপ্তৰ বৰুৱাৰ নেতৃত্বত হাউলী আৰক্ষীয়ে নগৰখনৰ চোহানা ট্রেডিং নামৰ এটা গুদামত চলালে অভিযান ৷
এই অভিযানত প্ৰায় ৫০০ বেগ সন্দেহযুক্ত বাৰ্মিজ চুপাৰী জব্দ কৰা বুলি উপ আৰক্ষী অধীক্ষক সমীৰ দপ্তৰ বৰুৱাই জানিবলৈ দিয়ে (suspected burmese betel nut seized in Barpeta) ৷
ইয়াৰোপৰি, গুদামটোৰ চিচিটিভি আৰু দুটা ম’বাইল ফোন আৰক্ষীয়ে জব্দ কৰা বুলি উপ আৰক্ষী অধীক্ষক গৰাকীয়ে জানিবলৈ দিছে ৷ জানিব পৰা মতে, জব্দ কৰা চুপাৰী গুদামটোৰ মালিক জনৈক চহিদুল ইছলাম ৷ উপ আৰক্ষী অধীক্ষক সমীৰ দপ্তৰ বৰুৱাই জনোৱা অনুসৰি, সন্দেহজনক বাৰ্মিজ চুপাৰীৰ নমুনা ফৰেনচিক লেবৰেটৰী, ফুড চিকিউৰিটি আৰু কৃষি বিভাগলৈ পঠোৱা হ’ব বুলি ৷
উল্লেখ্য যে, কিছুদিন পুৰ্বেও আৰক্ষীয়ে হাউলীত জব্দ কৰিছিল প্রায় 115 বেগ সন্দেহ যুক্ত বাৰ্মিজ চুপাৰী ৷
লগতে পঢ়ক : Anti Drugs Mission in Assam : ৰাজ্যৰ সৰ্বত্ৰে ড্ৰাগছৰ বিৰুদ্ধে আৰক্ষীৰ অভিযান অব্যাহত
