বিশ্বনাথ, 20 নৱেম্বৰঃ কাঠফুলা খেতিৰে স্বাৱলম্বিতাৰ পথ প্ৰশস্ত কৰিছে বিশ্বনাথৰ এজন যুৱকে ৷ বিশ্বনাথৰ তিনিখুটি গাঁৱৰ মনোৰঞ্জন পৰাজুলি নামৰ যুৱকজনে এটা পঁজাঘৰৰ ভিতৰতে নিজাববীয়াকৈ কৰিছে কাঠফুলাৰ খেতি ৷ ২০১৮ চনতে মনোৰঞ্জন পৰাজুলি নামৰ যুৱকজনে কৃষি বিভাগৰ লগত যোগাযোগ কৰি এই কাঠফুলা খেতি আৰম্ভ কৰিছিল ৷ বিশেষকৈ ধান খেৰৰ জৰিয়তে কৰা এই খেতি পুৰঠ হ’বলৈ প্ৰয়োজন ২০ পৰা ২২ দিন ৷ এই কাঠফুলা সমূহৰ বৰ্তমান বজাৰ মূল্য প্ৰতি কেজিত প্ৰায় ২০০ টকাৰো অধিক ৷ এই খেতিৰ জৰিয়তে ইতিমধ্যে তেখেতে লাভান্বিত হ’বলৈ সক্ষম হৈছে ৷ এনেদৰেই এক অনন্য স্বাৱলম্বিতাৰ পথ বাচি লোৱা মনোৰঞ্জন পৰাজুলি হৈ পৰিছে বহু যুৱকৰ বাবে আদৰ্শ ৷
কাঠফুলা খেতিৰে স্বাৱলম্বী যুৱক
