বৰপেটা, ৩১ জুলাই: জেহাদী গ্ৰেপ্তাৰক লৈ বাঘবৰৰ বিধায়ক শ্বেৰমান আলী আহমেদে প্ৰকাশ কৰিছে প্ৰতিক্ৰিয়া ৷ জেহাদীৰ প্ৰকৃত অৰ্থক বিকৃত কৰা হৈছে বুলি মন্তব্য বিধায়কগৰাকীৰ ৷ ইছলামত জেহাদ মানে নিজৰ ষড় ৰিপুক দমন কৰাহে ৷ জেহাদী গ্ৰেপ্তাৰৰ নামত হুলস্থুল চলাই থকা বুলি মন্তব্য কৰে শ্বেৰমান আলী আহমেদে (Sherman Ali comments on Jihadi arrest) ৷
ৰাজ্যখনত বিগত সময়চোৱাত জেহাদীৰ নামত গ্ৰেপ্তাৰ হোৱা নিৰপৰাধীৰ সংখ্যা প্ৰচাৰ নোহোৱা বুলি মন্তব্য কৰে বিধায়ক শ্বেৰমান আলি আহমেদে (MLA Sherman Ali Ahmed )৷ বিগত ১০ বছৰত অসমত জেহাদী বুলি গ্ৰেপ্তাৰ হোৱা কিমানজনক আদালতে দোষমুক্ত বুলি ৰায় দিলে সেই বিষয়ে বাতৰি পৰিবেশন কৰিবলৈ সংবাদমাধ্যমক আহ্বান জনায় বিধায়ক শ্বেৰমান আলী আহমেদে ৷
২০১২ চনতো মালটা, মালফা, মুজাহিদীন থকাৰ কথা ওলাইছিল ৷ এতিয়া জেহাদী ওলাইছে ৷ উক্ত জেহাদী সংগঠনবোৰে বিগত ১০ বছৰত কৰা এটা কূটাঘাটৰ তথ্য সদৰি কৰিবলৈ দাবী বিধায়কগৰাকীৰ (Disruption by Jihadi group in Assam) ৷
অতীতৰ ঘটনাৰাজিৰ পৰা শ্বেৰমান আলী আহমেদে জেহাদী গ্ৰেপ্তাৰ কাৰ্যৰ জৰিয়তে মুছলমানৰ বিৰুদ্ধে ঘৃণা বিয়পোৱাৰ ৰাজনৈতিক ষড়যন্ত্ৰ বুলি অভিহিত কৰে ৷ ইপিনে সত্ৰাধিকাৰ জনাৰ্দন দেৱ গোস্বামীৰ(Satradhikar of Dakhinpat Satra Janardan Dev Goswami) মন্তব্যৰো প্ৰতিক্ৰিয়া প্ৰকাশ কৰে বিধায়ক শ্বেৰমান আলী আহমেদে ৷ সত্ৰাধিকাৰসকল ৰাজনৈতিক নেতাৰ আঙুলিৰ ঠাঁৰত নাচিব নালাগে বুলি মন্তব্য কৰি তেও কয় যে, শংকৰ গুৰু জীয়াই থকা হ’লে এনে হ’বলৈ নিদিলেহেতেন ৷ গুৰুজনাৰ আত্মায়ো মনত শান্তি নাপাব বুলি মন্তব্য কৰে বিধায়কগৰাকীয়ে ৷
লগতে পঢ়ক: Moral policing in Lumding: নিশা লামডিঙত কোনে চলালে গুণ্ডাগিৰি ?
