জনীয়া, 2 এপ্ৰিল: জনীয়া সমষ্টিৰ অন্তৰ্গত খৰিচলাত বৃহস্পতিবাৰে মিত্ৰজোঁট তথা বিজেপি প্ৰাৰ্থী অধিবক্তা শ্বহিদুল ইছলামৰ এখন নিৰ্বাচনী প্ৰচাৰ সভা অনুষ্ঠিত হয় । নিৰ্বাচনী সভাত মিত্ৰজোঁটৰ প্ৰাৰ্থী শ্বহিদুল ইছলামে অসমীয়াৰ স্বভিমান ফুলাম গামোচা বদৰুদ্দিন আজমলে দলিয়াই দিয়া কাৰ্য্যক তীব্ৰ ভাষাৰে সমালোচনা কৰে । বদৰুদ্দিন আজমলে সমগ্ৰ ধৰ্মীয় সংখ্যালঘু লোকক অসমবাসীৰ আগত লজ্জানত আৰু অপমানিত কৰিছে বুলি মন্তব্য কৰে ।
আনহাতে, বিগত কাৰ্যকালত জনীয়া সমষ্টিৰ বৰ্তমানৰ বিধায়ক তথা মহাজোঁটৰ প্ৰাৰ্থী ড৹ হাফিজ ৰফিকুল ইছলামে গৰাখহনীয়া, ডি ভোটৰ সমস্যা, নিবনুৱা সমস্যা, যাতায়ত, শিক্ষা আদি কোনো ক্ষেত্ৰতে সফল হ'ব নোৱাৰিলে ৷ সেয়ে মিত্ৰজোটৰ প্ৰাৰ্থী শ্বহিদুল ইছলামক জনীয়া সমষ্টিৰ ৰাইজে বিপুল ভোটত জয়ী কৰি জনীয়াৰ উন্নতিৰ বাবে কাম কৰিবৰ বাবে আহ্বান জনায় ৷
লগতে পঢ়ক: কৰিমগঞ্জত সুকলমে সম্পূৰ্ণ ভোটগ্ৰহণ প্ৰক্ৰিয়া
