বৰপেটা,১৬ মাৰ্চ: বৰপেটা জিলাৰ সৰ্থেবাৰী আৰক্ষীয়ে লাভ কৰিছে বৃহৎ সফলতা । অবৈধ গাঞ্জা ব্যৱসায়ৰ বিৰুদ্ধে সৰ্থেবাৰী আৰক্ষীয়ে অভিযান চলাই এই সফলতা লাভ কৰিছে । সৰ্থেবাৰী আৰক্ষী থানাৰ ভাৰপ্ৰাপ্ত আৰক্ষী বিষয়া অঞ্জন বড়োৰ নেতৃত্বত আৰক্ষীৰ এটা দলে গোপন খবৰৰ ভিত্তিত ধনৰাজ বড়োত ঘৰত চলাইছিল এক অভিযান ৷
আৰক্ষীয়ে এই অভিযান কালত দুই লক্ষাধিক টকাৰ গাঞ্জা জব্দ কৰাৰ লগতে ব্যৱসায়ীজনক আটক কৰিবলৈ সক্ষম হৈছে ৷ ধৃত গাঞ্জা ব্যৱসায়ীজন সৰ্থেবাৰী আৰক্ষী থানাৰ অন্তৰ্গত সত্ৰপাকাৰ ধনৰাজ বড়ো(২৬) ৷ উল্লেখ্য যে, ধনৰাজ বড়োৱে লক ডাউনৰ সময়ৰ পৰাই অবৈধ গাঞ্জাৰ ব্যৱসায় চলাই থকাৰ অভিযোগ উত্থাপিত হৈছিল । সৰ্থেবাৰী আৰক্ষীৰ এনে সফলতাক সচেতন মহলে প্ৰশংসা কৰিছে ।
লগতে পঢ়কঃ সমৰ্থকৰ অভাৱ জিতু গোস্বামীৰ ! চাইকেল ৰেলীত শিক্ষাৰ্থী
