জনীয়া,14 জুন : বৰপেটা জিলাৰ কলগাছিয়াত অবাধে চলিছে নিষিদ্ধ গাঞ্জা (Ganja)ৰ ৰমৰমীয়া বেহা । কলগাছিয়া আৰক্ষী থানাৰ পৰা 300 মিটাৰ নিলগত তথা কলগাছিয়া বজাৰত মাইনউদ্দীন নামৰ এজন যুৱকৰ দোকানত প্ৰত্যেক দিনাই অবৈধভাৱে গাঞ্জা বিক্ৰী কৰাৰ তথ্য পোহৰলৈ আহিছে । উল্লেখ্য যে, দীৰ্ঘদিন ধৰি কলগাছিয়া অঞ্চলটোত নিষিদ্ধ গাঞ্জাৰ ৰমৰমীয়া বেহা চলাই অহা কুখ্যাত গাঞ্জা সৰবৰাহকাৰী মাইনউদ্দিনে চোৰাংভাৱে গাঞ্জা আনি নিজ দোকানৰ পৰা ব্যৱসায় চলাই আহিছিল ৷
কলগাছিয়াত গাঞ্জাৰ বেহা
সোমবাৰে সাংবাদিকৰ এটা দলে গোপন সূত্ৰৰ পম খেদি মাইনউদ্দীনে গাঞ্জা সৰবৰাহ কৰাৰ দৃশ্য কেমেৰাত বন্দী কৰে । আনহাতে কলগাছিয়াত এনেধৰণৰ বেহা চলোৱাটো দুৰ্ভাগ্যজনক বুলি মন্তব্য কৰে স্থানীয় সচেতন ৰাইজে । মুঠতে নিষিদ্ধ গাঞ্জাৰ ঘাটিলৈ পৰ্যবসিত হোৱাৰ উপক্ৰম হৈছে সমগ্ৰ কলগাছিয়া অঞ্চল ৷
লগতে পঢ়ক : গহপুৰত মৰেল পুলিচিঙৰ বলি অসহায় মহিলা
