বৰপেটা,৩১জানুৱাৰীঃ অনাথ,পৰিত্যক্ত আৰু আশ্ৰয়হীন শিশুসকলক অভিভাৱকত্বৰ মৰম আৰু আশ্ৰয়েৰে এটা সুৰক্ষিত ভৱিষ্যত গঢ় দিয়াৰ স্বাৰ্থত শুকুৰবাৰে বৰপেটা চহৰত মুকলি কৰা হয় জীৱন কানন নামৰ এটা শিশু আশ্ৰয়গৃহ ৷ বৰপেটাৰ ছানৰাইজ চ’ছাইটি ফৰ চ’ছিয়েল ৱেলফেয়াৰ নামৰ স্বেচ্ছাসেৱী সংস্থাটোৰ উদ্যোগত স্থাপন কৰা আশ্ৰয়গৃহটো আনুষ্ঠানিকভাৱে মুকলি কৰা হয় ৷ চহৰখনৰ কেইবাগৰাকী নৱ প্ৰজন্মৰ যুৱকৰ সামুহিক প্ৰচেষ্টাত গঢ় লৈ উঠা আশ্ৰয়গৃহটো মুকলি কৰে কলাগুৰু বঁটাপ্ৰাপক,বিশিষ্ট সাহিত্যিক অক্ষয় কুমাৰ মিশ্ৰই ৷
বৰপেটাৰ জিলা উপায়ুক্ত মুনীন্দ্ৰ শৰ্মাৰ উপস্থিতিত গাম্ভীৰ্যপূৰ্ণ পৰিৱেশত আশ্ৰয়গৃহটো মুকলি কৰি অক্ষয় কুমাৰ মিশ্ৰই স্বেচ্ছাসেৱী সংস্থাটোৰ সৈতে জড়িত যুৱকসকলৰ এই মহৎ কাৰ্যৰ শলাগ লয় ৷ আনহাতে,অনুষ্ঠানত অংশগ্ৰহণ কৰি জিলা উপায়ুক্ত গৰাকীয়ে অনাথসকলক আশ্ৰয় দিব পৰাতো আটাইতকৈ সজ আৰু পূণ্যৰ কাম বুলি অভিহিত কৰে ৷ লগতে আশ্ৰয়গৃহটোৰ বাবে প্ৰয়োজনীয় ভূমি তথা ভৱনৰ বাবে সকলো ধৰণে সহায় আগবঢ়োৱাৰ প্ৰতিশ্ৰুতি প্ৰদান কৰে ৷ অনুষ্ঠানটোত বৰপেটা সাহিত্য সভাৰ সভাপতি ডাঃ কমলকৃষ্ণ দাস,প্ৰদীপ দাসকে ধৰি কেইবাগৰাকীয়ো বিশিষ্ট ব্যক্তি উপস্থিত থাকে ৷
লগতে চাওকঃকণী উৎপাদেৰে স্বাৱলম্বিতাৰ নিদৰ্শন দেখুৱাইছে মৰাণৰ ধন বাহাদুৰ চেত্রীয়ে
