কলগাছিয়া,8 মাৰ্চঃ ৰাজ্যত অব্যাহত আছে চিলনী চোৰৰ সন্ত্ৰাস ৷ আজি কলগাছিয়াস্থিত ষ্টেট বেংক অৱ ইণ্ডিয়াৰ কাৰ্যালয়ৰ চৌহদৰ পৰা কলগাছিয়া আৰক্ষীয়ে এজন চিলনী চোৰক আটক কৰে । জানিব পৰা মতে এজন গ্ৰাহকে বেংকৰ পৰা ধন উলিওৱাৰ সময়ত তিনিজন যুৱকৰ চলা-ফুৰাত সন্দেহ প্ৰকাশ কৰি বেংকত কৰ্তব্যৰত আৰক্ষীক অৱগত কৰিছিল ।
লগে লগে আৰক্ষীয়ে অবিনাশ দাস নামৰ চোৰটোক আটক কৰিবলৈ সক্ষম হয় ৷ যদিও আন দুটা চিলনী চোৰ বাইকেৰে ঘটনাস্থলীৰ পৰা পলায়ন কৰে । চোৰটোৰ পৰা চুৰি কাৰ্যত ব্যৱহৃত কেইবাধৰণৰ সামগ্ৰীৰ লগতে বান্দৰকেঁকোৱা পাতৰ গুৰি উদ্ধাৰ কৰে আৰক্ষীয়ে । ধৃত চোৰটো পশ্চিমবংগৰ কোচবিহাৰৰ বাসিন্দা বুলি জানিব পৰা গৈছে ৷
লগতে পঢ়কঃ বিহালীত শতাধিক কংগ্ৰেছ কৰ্মীৰ বিজেপিত যোগদান
