বৰপেটা, 17 জুনঃ মধ্যাহ্ন ভোজনৰ চাউল বিতৰণৰ ক্ষেত্ৰত দুৰ্নীতিৰ অভিযোগ উত্থাপিত হৈছে এগৰাকী প্ৰধান শিক্ষকৰ বিৰুদ্ধে। বৰপেটা জিলাৰ মন্দিয়া শিক্ষাখণ্ডৰ অন্তৰ্গত ১১৯৮ নং প্ৰাথমিক বিদ্যালয়ৰ প্ৰধান শিক্ষকৰ বিৰুদ্ধে উত্থাপিত হৈছে এই অভিযোগ ।
প্ৰধান শিক্ষক গৰাকীয়ে প্ৰতিগৰাকী ছাত্ৰ-ছাত্ৰীক তিনি কেজিকৈ চাউল,আধা কেজি আলু আৰু আধা কেজি দাইল বিতৰণ কৰা বুলি দেখুৱাইছিল । কিন্তু এগৰাকী সচেতন অভিভাৱকে আলু দাইল জোখাত কাৰোবাৰ দুশ গ্ৰাম কাৰোবাৰ তিনিশ গ্ৰাম পোৱা যায় ।
চৰকাৰী দৰমহা পোৱা শিক্ষকে ছাত্ৰ-ছাত্ৰীৰ প্ৰাপ্য কাঢ়ি দুৰ্নীতি কৰিবলৈ কুন্ঠাবোধ নকৰা কাৰ্যক বহুতে ধিক্কাৰ দিছে ।
উল্লেখযোগ্য যে, শিক্ষক গৰাকীয়ে ছাত্ৰ-ছাত্ৰীক বিদ্যালয়ত মধ্যাহ্ন ভোজনৰ সামগ্ৰী বিতৰণৰ নামত সামাজিক দুৰত্ব ভংগ কৰা দেখা গৈছে। প্ৰধান শিক্ষকৰ এনে দায়িত্বহীন কাণ্ডই সকলোকে চিন্তিত কৰি তুলিছে ।
লগতে চাওকঃ শিক্ষাৰ্থীক সাম্প্ৰতিক প্ৰযুক্তিৰ সৈতে মোকাবিলা কৰিবলৈ আহিলা প্ৰদানৰ দাবী
