স্পৰ্টছ ডেস্ক, 11 অক্টোবৰ : আই পি এলৰ দেওবাৰৰ প্ৰথমখন খেল ডুবাইত ৰাজস্থান ৰয়েলছ (আৰআৰ) আৰু চানৰাইজাৰ্ছ হায়দৰাবাদ (এছআৰএইচ) ৰ সৈতে অনুষ্ঠিত হৈছিল ৷ খেলৰ অন্তত হায়দৰাবাদৰ বিৰুদ্ধে ৰাজস্থান ৰয়েলছে জয়লাভ কৰে ৷ চানৰাইছ হায়দৰাবাদে 20 অভাৰত 158 ৰান কৰিবলৈ সক্ষম হৈছিল ৷ কিন্তু ৰাজস্থান ৰয়েলছে তেওঁলোকৰ প্ৰত্যাহ্বানক নেওচি জয়লাভ কৰিবলৈ সক্ষম হৈছে ৷
খেলখন অতি আকৰ্ষনীয় হৈছিল কিয়নো অন্তিম পৰ্যায়ত ৰাজস্থান ৰয়েলছক দুটা বলৰ বিপৰীতে 2 ৰানৰ প্ৰয়োজন আছিল ৷ সেই সময়তে অসম গৌৰৱ ৰিয়ান পৰাগে সুন্দৰ প্ৰদৰ্শন দেখুৱাই খেলখন জিকাবলৈ সক্ষম হৈছে ৷ আজিৰ খেলত ৰিয়ান পৰাগে 26 টা বলত 42 ৰান কৰিবলৈ সক্ষম হৈছে ৷
লগতে পঢ়ক : আজি ইটানগৰত অসম-অৰুণাচলৰ মুখ্য সচিব পৰ্যায়ৰ বৈঠক
