স্পৰ্টছ ডেস্ক,18 অক্টোবৰঃ ভাৰত আৰু দক্ষিণ আফ্ৰিকাৰ মাজত চলি থকা তিনিখন মেচৰ টেষ্ট শৃংখলাৰ অন্তিমখন টেষ্ট মেচ শনিবাৰে অনুষ্ঠিত হ’ব ৰাঁচীৰ জে এছ চি এ ষ্টেডিয়ামত ৷ কিন্তু এই মেচখনক লৈ দৰ্শকৰ মাজত নাই উৎসাহ ৷ কাৰণ এই পৰ্যন্ত মেচখনৰ বাবে বিক্ৰী হৈছে কেৱল মাত্ৰ 1500 টিকট ৷ এই কথা সদৰী কৰিছে ঝাৰখণ্ড ষ্টেট ক্ৰিকেট এশ্ব’ছিয়েচনৰ সম্পাদক সঞ্জয় চহায়ে ৷ ষ্টেডিয়ামখনৰ দৰ্শকৰ বাবে আসনৰ ক্ষমতা হৈছে 39,000 হাজাৰ ৷ অকল দৰ্শকৰ মাজত হস্পিটেলিটী অংশৰ হে টিকটৰ চাহিদা দেখা পোৱা গৈছে বুলি উল্লেখ কৰি কয় যে মেচখনৰ নিম্নতম টিকটৰ মূল্য হৈছে 200 টকা আৰু সৰ্বাধিক টিকটৰ মূল্য হৈছে 2000 টকা ৷
উল্লেখ্য যে, এই মেচখনৰ বাবে মুঠ 5000 হাজাৰ টিকট পেৰা মিলিটেৰী ফৰ্ছ,আৰ্মী,স্থানীয় আৰক্ষী,নেশ্বনেল কেডেট ক্ৰপ্ছক বিনামূলীয়াকৈ বিতৰণ কৰা হৈছে ৷
