চিটাৰা ডেস্ক, 15 নৱেম্বৰ : টেলিভিশ্বনৰ বিতৰ্কিত ৰিয়েলিটি শ্ব’ বিগ বছ 15(Bigg Boss 15)ত এগৰাকীৰ পাচত আনগৰাকী প্ৰতিযোগীৰ নিষ্কাষণ হোৱা পৰিলক্ষিত হৈছে ৷ শেহতীয়াকৈ প্ৰতিযোগী ৰাকেশ বাপত(Raqesh Bapat)ৰ অসুস্থতাৰ বাবে তেওঁ শ্ব’ৰ পৰা বাহিৰ হৈছে ৷
ৰাকেশৰ পাচতে তেওঁৰ চৰ্চিত প্ৰেয়সী তথা প্ৰতিযোগী শমিতা ছেট্টী(Shamita Shetty)ও বাহিৰ হৈছে বিগ বছ হাউছৰ পৰা ৷ ছ’চিয়েল মিডিয়াত প্ৰচাৰিত বাতৰি অনুসৰি, চিকিৎসাজনিত কাৰণত শমিতাক হাউছৰ বাহিৰলৈ লৈ যোৱা হৈছে ৷ কিন্তু পুনৰ শ্ব’লৈ তেওঁ উভতি আহিব বুলি ইতিমধ্যে প্ৰচাৰ হৈছে ৷
যদিও বিগ বছ সম্প্ৰচাৰ হোৱা চেনেল কালাৰ্ছে(Colors) বৰ্তমানলৈকে বাতৰিটো সন্দৰ্ভত কোনো নিশ্চয়তা প্ৰকাশ কৰা নাই ৷ ইফালে শমিতা বাহিৰ হোৱা বুলি চৰ্চা লাভ কৰা বাতৰিয়ে বিচলিত কৰি তুলিছে তেওঁৰ অনুৰাগীসকলক ৷ শেহতীয়া বাতৰি অনুসৰি, ৰাকেশ পুনৰ শ্ব’ৰ মাজলৈ উভতি নাহে ৷
কিয়নো চিকিৎসকে তেওঁক পুনৰ শ্ব’ত অংশগ্ৰহণ নকৰিবলৈ উপদেশ দিয়ে ৷ এই বাতৰিয়ে শমিতা আৰু ৰাকেশৰ অনুৰাগী বিশেষকৈ #ShaRaৰ অনুৰাগীসকলৰ মনত নিশ্চয়কৈ আঘাত সানিছে, যিহেতু শমিতা আৰু ৰাকেশৰ মাজত থকা সম্পৰ্কক আঁকোৱালি লৈছিল অনুৰাগীসকলে ৷
লগতে পঢ়ক : Bigg Boss 15ৰ প্ৰতিযোগী ৰাকেশ বাপতক হাস্পতালত ভৰ্তি
