চিটাৰা ডেস্ক,18 মে’: ক’ভিডত আক্ৰান্ত দৰিদ্ৰ লোকসকলক অহৰহভাৱে সহায় আগবঢ়াই আহিছে বলীউডৰ অভিনেতা চনু চুডে ৷ সোমবাৰে সতৰ্কবাণী প্ৰেৰণ কৰি চনু চুডে কয় যে, দুষ্টচক্ৰই তেওঁৰ নাম ব্যৱহাৰ কৰি দৰিদ্ৰ লোকক সহায় কৰিবলৈ ভূৱা সাহায্য প্ৰদানৰ অনুৰোধ কৰিছে ৷ এই দুষ্টচক্ৰক বিশ্বাস নকৰিবলৈ অনুৰাগীসকলক আহ্বান জনাই চনু চুডে ৷
-
🛑 WARNING 🛑 pic.twitter.com/ADnycHK0f2
— sonu sood (@SonuSood) May 17, 2021 " class="align-text-top noRightClick twitterSection" data="
">🛑 WARNING 🛑 pic.twitter.com/ADnycHK0f2
— sonu sood (@SonuSood) May 17, 2021🛑 WARNING 🛑 pic.twitter.com/ADnycHK0f2
— sonu sood (@SonuSood) May 17, 2021
47 বৰ্ষীয় অভিনেতাগৰাকীয়ে ছ’চিয়েল মিডিয়াযোগে কয় যে, ‘চুড ফাউণ্ডেশ্যন ডনেট’ নামৰ সংস্থাটোৱে তেওঁৰ নাম ব্যৱহাৰ কৰি ক’ভিডত আক্ৰান্তসকলক সহায়ৰ অৰ্থে সাহায্য দান কৰিবলৈ অনুৰোধ কৰি আছে ৷ কিন্তু এই সংগঠনটোৰ সৈতে তেওঁৰ কোনো সম্পৰ্ক নাই বুলি অভিনেতাগৰাকীয়ে স্পষ্ট কৰি দিয়ে ৷ ইয়াৰ লগতে সংস্থাটোৱে ব্যৱহাৰ কৰা প’ষ্টাৰ আৰু ব্যৱহাৰ কৰা নাম ভূৱা আখ্যা দিয়ে অভিনেতাগৰাকীয়ে ৷
উল্লেখ্য যে, ক’ভিডত আক্ৰান্ত লোকসকলৰ বাবে সুকীয়াকৈ হাস্পতালৰ বিচনাৰ লগতে অক্সিজেন চিলিণ্ডাৰ, ঔষধ আৰু চিকিৎসা সেৱাৰ ব্যৱস্থা কৰিছে ৰিয়েল লাইফৰ হিৰ’ খ্যাত চনু চুডে ৷
লগতে পঢ়ক : অসমবাসীলৈ আশাৰ বতৰা কঢ়িয়াইছে বৰষুণে
