লক্ ডাউনৰ সময়ত চুটি ছবিৰ কামত ব্যস্ত অভিনেত্ৰী চিত্ৰাংগদা সিং

লক্ ডাউনৰ সময়খিনি সদ ব্যৱহাৰ কৰিছে অভিনেত্ৰী চিত্ৰাংগদা সিঙে ৷ লক্ ডাউনৰ সময়খিনিত চুটি ছবি লিখাৰ কামত ব্যস্ত হৈ আছে অভিনেত্ৰী গৰাকী ৷

চিটাৰা ডেস্ক,4 মে'ঃ লক্ ডাউনৰ মাজতে এখন চুটি ছবিৰ চিত্ৰনাট্যৰ কামত ব্যস্ত হৈ আছে অভিনেত্ৰী চিত্ৰাংগদা সিং ৷ লক্ ডাউনৰ সময়খিনি সদ ব্যৱহাৰ কৰাৰ প্ৰচেষ্টা কৰিছে অভিনেত্ৰীগৰাকীয়ে ৷

"মই বৰ্তমান এখন চুটি ছবিৰ বাবে চিত্ৰনাট্য লিখি আছোঁ ৷ এতিয়া মোৰ ওচৰত যথেষ্ট খালী সময় আছে ৷ আৰু মই অতি সোনকালেই এই কাম সম্পূৰ্ণ কৰিম ৷ মই এই কামটোৰ প্ৰতিটো অংশক যথেষ্ট ভাল পাইছো ৷ " শেহতীয়াকৈ ছ'চিয়েল মিডিয়াযোগে এনেদৰে জনালে অভিনেত্ৰী চিত্ৰাংগদা সিঙে ৷

লক্ ডাউনৰ সময়ত চুটি ছবিৰ কামত ব্যস্ত অভিনেত্ৰী চিত্ৰাংগদা সিং

অভিনেত্ৰী গৰাকীক আগন্তুক ছবি "ব'ব বিশ্বাস"ত দেখিবলৈ পোৱা যাব অভিনেতা অভিষেক বচ্চনৰ সৈতে ৷ অভিনেত্ৰী গৰাকীয়ে কেৱল কাহিনী লিখাই নহয় তেওঁ 2018 চনত এখন ছবিও পৰিচালনা কৰিছিল ৷ চুৰমা নামেৰে এখন খেলৰ বায়পিক নিৰ্মাণ কৰিছিল চিত্ৰাংগদা সিঙে ৷ য'ত দিলজিৎ দৌচাঞ্জে ভাৰতৰ হকী খেলুৱৈ চনদীপ সিঙৰ চৰিত্ৰত অভিনয় কৰিছিল ৷