নিউজ ডেস্ক, 19 জানুৱাৰী : মধ্য প্ৰদেশত চলি থকা দুৰ্নীতি বিৰোধী অভিযানৰ অংশ হিচাপে মঙলবাৰে মধ্য প্ৰদেশৰ ইণ্ডোৰত ৰেচন কাৰ্ডত চলি থকা দুৰ্নীতিৰ বিৰুদ্ধে এক সফল অভিযান সমাপ্ত কৰে আৰক্ষীয়ে ৷ এই বিয়াগোম দুৰ্নীতিৰ লগতে জড়িত থকা মূল অভিযুক্ত ভাৰত দেৱক মঙলবাৰে ইণ্ডোৰ আৰক্ষীয়ে গ্ৰেপ্তাৰ কৰিবলৈ সক্ষম হৈছে ৷ আনহাতে, আৰক্ষীয়ে ৰেচন কাৰ্ডৰ দুৰ্নীতিৰ বিৰুদ্ধে 12 টা গোচৰ ৰুজু কৰিছে আৰু 40 গৰাকী অভিযুক্তৰ নাম চিনাক্ত কৰিছে ৷ লগতে, 'National Security Act' ৰ অধীনত তেওঁলোকৰ তদন্ত কৰা হ'ব বুলিও জানিব দিয়ে ৷
ইণ্ডোৰ আৰক্ষী অধীক্ষক মনিষ সিঙে জানিব দিয়া অনুসৰি, মঙলবাৰে ইণ্ডোৰৰ 12 খন সুলভ মূল্যৰ দোকান পৰিদৰ্শন কৰে ৷ পৰিদৰ্শন কৰাৰ অন্তত বিষয়া গৰাকীয়ে 50,000 হিতাধিকাৰীৰ বিপৰীতে এক বৃহৎ দুৰ্নীতি সংঘটিত হোৱাৰ তথ্য ফাদিল কৰিছে বিষয়া গৰাকীয়ে ৷
তদন্তত আকৌ স্পষ্ট হৈছিল যে, বহুতো প্ৰভাৱশালী লোকে নিজৰ নামৰ লগতে পৰিয়ালৰ আন সদস্যৰ নামতো ৰেচন কাৰ্ড উলিয়াই সেই সমূহ সামগ্ৰী বজাৰত বিক্ৰী কৰি আহিছে ৷ ইফালে, বিষয়া গৰাকীয়ে সন্দেহ কৰা অনুসৰি, ৰেচন কাৰ্ডৰ বিয়াগোম দুৰ্নীতি কেৱল ইণ্ডোৰতে নহয় সমগ্ৰ ৰাজ্যতে সংঘটিত হৈ আছে ৷
লগতে পঢ়ক : অষ্ট্ৰেলিয়াৰ মাটিত ঐতিহাসিক জয়েৰে বিজয়ধ্বজা উৰুৱালে ভাৰতে
