নেশ্যনেল ডেস্ক, ৬ জুন: জন্মু-কাশ্মীৰৰ কঠুৱা জিলাত আন্তঃৰাষ্ট্ৰীয় সীমাৰ সৈতে সংলগ্ন গাঁও অঞ্চলত শনিবাৰে পুৱতি নিশা পাকিস্তানী সেনাই অকাৰণত গুলীবৰ্ষণ কৰি যুদ্ধবিৰতি উলংঘন কৰে । সূত্ৰই জনোৱা অনুসৰি,কৰোল মট্ৰাই আৰু চান্দৱাত প্ৰায় ১২.৪৫ বজাৰ পৰা আৰম্ভ হোৱা এই গুলীবৰ্ষণত আন্তঃৰাষ্ট্ৰীয় সীমাত কৰ্তব্যৰত বি.এছ.এফ জোৱানসকলেও ইয়াৰ প্ৰত্যুত্তৰ দিয়ে ।
দুয়োপক্ষৰ মাজত হোৱা গুলীবৰ্ষণ ৩ বজালৈ বৰ্তি থাকে যদিও ভাৰতৰ ফালৰ পৰা কোনো এজন সেনাৰ আঘাত হোৱা নাই বুলি জানিব পৰা গৈছে । কিন্তু সীমাৰ নিকটৱৰ্তী গাঁওবাসীয়ে ভয় আৰু শংকাত গোটেই নিশাটো উজাগৰে পাৰ কৰিবলগীয়া হয় ।
লগতে পঢ়ক: কেৰালাৰ গৰ্ভৱতী বন্যহস্তী হত্যাকাণ্ডৰ মূল অভিযুক্ত আৰক্ষীৰ জাল
