চিটাৰা ডেস্ক, ২০ নৱেম্বৰ: প্ৰবীণ অভিনেত্ৰী তাবাচ্ছুম গোভিলে শুকুৰবাৰে সন্ধিয়া হৃদৰোগত আক্ৰান্ত হৈ শেষনিশ্বাস ত্যাগ কৰে(Veteran Actor Tabassum Govil passes away) ৷ মৃত্যুৰ সময়ত তেখেতৰ বয়স আছিল ৭৮ বছৰ । তাবাচ্ছুমৰ পুত্ৰ হোছাং গোভিলে শনিবাৰে সংবাদ মাধ্যমক প্ৰদান কৰে এই তথ্য । দূৰদৰ্শনত প্ৰচাৰিত ‘ফুল খিলে হায় গুলছান-গুলছান’(Phool Khile Hain Gulshan Gulshan) অনুষ্ঠানৰ বাবেই তাবাচ্ছুম বেছিকৈ পৰিচিত আছিল ।
তাবাচ্ছুমে ১৯৪৭ চনত শিশু শিল্পী হিচাপে কেৰিয়াৰ আৰম্ভ কৰিছিল । তেওঁ নাৰ্গিছৰ বিপৰীতে শিশু অভিনেত্ৰী হিচাপে অভিনয় জীৱন আৰম্ভ কৰিছিল । ‘ৱহ মেৰা সুহাগ’, ‘মঞ্জধৰ’, ‘বড়ী বেহেন’, ‘বাইজু বাৱৰা’, ‘তেৰে মেৰে সপনে’, ‘চামেলি কি ছাদী’, ‘স্বৰ্গ’ আদি বহু ছবিত তেওঁ কাম কৰিছিল যদিও দূৰদৰ্শনত প্ৰচাৰিত এটা অনুষ্ঠানৰ পৰাই তেওঁ খ্যাতি লাভ কৰিছিল ।
লগতে পঢ়ক: Sushmita Sen birthday:সুস্মিতাৰ জন্মদিনত কন্যা ৰেনীয়ে লিখিলে এই আৱেগিক টোকা
