চিটাৰা ডেস্ক, 5 জুলাই: ছানা খানৰ গৰ্ভধাৰণক লৈ বহুদিন ধৰি চৰ্চা চলি আছিল । এতিয়া ছানাই নিজৰ অনুৰাগীক এটা ভাল খবৰ দিছে । অৱশেষত মাতৃ হ’ল অভিনেত্ৰী ছানা খান । অভিনেত্ৰীগৰাকীয়ে এটি পুত্ৰ সন্তান জন্ম দিছে । ইনষ্টাগ্ৰামত এটা ভিডিঅ’ শ্বেয়াৰ কৰি এই ভাল খবৰটো শ্বেয়াৰ কৰিছে ছানা খানে । ছানা খানে কিছুদিনৰ পৰা অবিৰতভাৱে গৰ্ভাৱস্থাৰ সংগ্ৰামৰ কথা কৈ আছিল । খবৰটো শ্বেয়াৰ হোৱাৰ লগে লগে অভিনেত্ৰীগৰাকীক অভিনন্দন লাভ কৰাৰ প্ৰক্ৰিয়া আৰম্ভ হৈছে ।
ছ’চিয়েল মিডিয়াত প্ৰায়েই সক্ৰিয় হৈ থাকে ছানা খান । স্বামী আনাছ ছাইদৰ সৈতে বহু ফটো আৰু ভিডিঅ’ শ্বেয়াৰ কৰা দেখিবলৈ পোৱা যায় । এটা ভিডিঅ’ৰ জৰিয়তে এই ভাল খবৰটো শ্বেয়াৰ কৰিলে ছানা খানে । এটা এনিমেটেড ভিডিঅ’ৰ জৰিয়তে বিগ বছৰ জৰিয়তে খ্যাতি লাভ কৰা ছানাই ভাল খবৰটো শ্বেয়াৰ কৰাৰ লগতে আল্লাহক ধন্যবাদ জনোৱা দেখা গৈছে । লগতে অনুৰাগীসকলক তেওঁলোকৰ প্ৰাৰ্থনাৰ বাবে ধন্যবাদ জ্ঞাপন কৰে ।
ভিডিঅ'টো শ্বেয়াৰ কৰাৰ সমান্তৰালকৈ ছানা খানে কেপচনত লিখিছে - ভগৱানে আমাৰ সন্তানক ডাঙৰ-দীঘল কৰাৰ সকলো শক্তি দিয়ক । আল্লাহৰ আস্থাক শ্ৰেষ্ঠ কৰি তুলিব লাগিব । এই বিশেষ যাত্ৰাত আমাৰ বাবে প্ৰাৰ্থনা কৰা সকলোকে ধন্যবাদ জনাইছো । ছানাৰ এই পোষ্টটো শ্বেয়াৰ কৰাৰ সমান্তৰালকৈ অনুৰাগীয়ে অভিনেত্ৰীগৰাকী আৰু তেওঁৰ স্বামীক অভিনন্দন জনাইছে । এজন ব্যক্তিয়ে লিখিছে- মাশ্বাহ আল্লাহ, বহুত অভিনন্দন । আন এজন ব্যক্তিয়ে লিখিছে - অশেষ অভিনন্দন, আল্লাহে কণমানি শিশুটিক ৰহমান কৰক ।
অনুৰাগীসকলে জনালে অভিনন্দন
উল্লেখ্য যে, ছানা খান গৰ্ভৱতী হোৱাৰ পিছৰে পৰা এই পৰ্যায়ৰ সৈতে জড়িত অভিজ্ঞতাসমূহ অনুৰাগীৰ সৈতে অহৰহ ভাগ কৰি আছিল । অভিনেত্ৰীগৰাকীয়ে কয় যে, গৰ্ভাৱস্থাত তেওঁ খোজ কঢ়া, উঠি বহাত বহু অসুবিধাৰ সন্মুখীন হ’বলগীয়া হৈছিল । আনকি শুই থকাৰ সময়ত তেওঁৰ ফাল সলনি কৰিবলৈও অসুবিধা হৈছিল । অভিনয় ত্যাগ কৰাৰ পিছত অভিনেত্ৰীগৰাকী সম্পূৰ্ণৰূপে নিজৰ ব্যক্তিগত জীৱনত নিমগ্ন হৈ পৰিছে । ২০২০ চনৰ নৱেম্বৰ মাহত মুফতী আনাছ ছায়েদৰ সৈতে বিবাহপাশত আৱদ্ধ হৈছিল ছানা খান ।
লগতে পঢ়ক: Bawaal teaser out: বৰুণ ধাৱন আৰু জাহ্নৱী কাপুৰৰ ছবিৰ টিজাৰে কৰিলে বাৱাল, গাঁৰ নোম শিয়ৰি উঠিব আপোনাৰ
