চিটাৰা ডেস্ক, 13 আগষ্ট : বলীউডৰ জনপ্ৰিয় অভিনেতা ৰণভীৰ সিঙৰ অনুৰাগীসকলৰ বাবে দুঃখবৰ । মুম্বাই আৰক্ষীয়ে জাননী জাৰি কৰিছে তেওঁলৈ ৷ দৰাচলতে নগ্ন ফটোশ্বুটৰ বিতৰ্কই এতিয়াও লগ এৰা নাই ৰণভীৰ সিঙক ৷
শেহতীয়াকৈ ৰণভীৰ সিঙে এটা নগ্ন ফটোশ্বুট কৰিছিল ৷ দেশত সাংঘাতিক ধৰণে বিতৰ্ক হ’ল ইয়াকে লৈ ! দুটা ভাগত বিভক্ত হৈ পৰিল জনসাধাৰণ ৷ কিছু সংখ্যকৰ কাৰণে যদি ই হৈ পৰিল এটা ৰাষ্ট্ৰীয় সমস্যা আন কিছু সংখ্যকৰ কাৰণে আকৌ ই একেবাৰে ভাতৰ লগত পানী খোৱাৰ দৰে আছিল ৷
ৰণভীৰৰ নগ্ন ফটোশ্বুটৰ পিছতে তেওঁৰ বিৰুদ্ধে বহু ঠাইত এজাহাৰো দাখিল কৰা হৈছিল ৷ এন জি অ‘ ৰ পৰা আৰম্ভ কৰি বিভিন্ন মহিলা সংগঠনে ইয়াৰ তীব্ৰ বিৰোধিতা কৰিছিল ৷ এতিয়া মুম্বাই আৰক্ষীয়ে নগ্ন ফটোশ্বুট সন্দৰ্ভত ৰণভীৰ সিঙক জাননী জাৰি কৰি ২২ আগষ্টত তেওঁক সোধা-পোছাৰ বাবে মাতিছে ।
খবৰ অনুসৰি ৰণভীৰ সিঙক জাননী দিবলৈ আৰক্ষী নিজেই গৈছিল তাৰকাজনৰ ঘৰলৈ কিন্তু সেই সময়ত তেওঁ ঘৰত উপস্থিত নাছিল ৷
অলপতে ৰণভীৰ সিঙে এখন আলোচনীৰ বাবে নগ্ন ফটোশ্বুট কৰি বি-টাউন আৰু ছ’চিয়েল মিডিয়াত আলোড়নৰ সৃষ্টি কৰিছিল । ইয়াৰ পিছৰে পৰাই অভিনেতাজন সমালোচনাৰ সন্মুখীন হৈ আহিছে ।
লগতে পঢ়ক : Ranveer singh news:নগ্ন ফটোশ্বুটৰ বিতৰ্কই স্পৰ্শও কৰিব পৰা নাই ৰণভীৰক
