চিটাৰা ডেস্ক, 19 জুলাই: বলীউডৰ ড্ৰামা কুইন নামেৰে জনাজাত ৰাখী সাৱন্তে প্ৰায়ে নিজৰ ব্যতিক্ৰমী শৈলীৰে সংবাদ মাধ্যমৰ শিৰোনাম দখল কৰে ৷ সেয়া লাগিলে নিজৰ ব্যক্তিগত জীৱনৰ বাবেই হওক অথবা অন্য কোনো কাৰণতেই হওক মুঠৰ ওপৰত ৰাখীৰ ড্ৰামাৰ কোনো অন্ত নাই ৷
শেহতীয়াকৈ এটা নতুন ভিডিঅ’ক লৈ ছ’চিয়েল মিডিয়াত চৰ্চা চলিছে ৰাখী সাৱন্তৰ । ভিডিঅ’টোত ৰাখী সাৱন্তে উত্তৰ প্ৰদেশৰ মুখ্যমন্ত্ৰী যোগী আদিত্যনাথৰ ভোট বিচৰা দেখা গৈছে। বুধবাৰে নিজৰ অফিচিয়েল ইনষ্টাগ্ৰামত ৰাখী সাৱন্তে নিজৰ ভিডিঅ’ শ্বেয়াৰ কৰে ।
ভিডিঅ’টোত ৰাখীয়ে পাপাৰাজীক কয় যে তেওঁ মুখ্যমন্ত্ৰী যোগীৰ এগৰাকী ডাঙৰ অনুৰাগী । লগতে কয়, যোগী জী, ২০২৪ চনত আহি থকা নিৰ্বাচনত এই বিলাহী প্ৰতীকটো নিৰ্বাচনত থিয় কৰাই দিয়ক, মানে ৰাখী সাৱন্ত । আমি ঘৰে ঘৰে বিলাহী বিতৰণ কৰিম, ইমান ভোট পাম যে কাকো নোট বিতৰণ কৰাৰ প্ৰয়োজন নাই। বিলাহী বিতৰণ কৰা হ’ব।
ভিডিঅ’টোত ৰঙা এথলেইজাৰত দেখা পোৱা গৈছে ৰাখীক । আনহাতে চুলিকোচা খোলা ৰাখিছিল অভিনেত্ৰীগৰাকীয়ে । লাইট মেকআপেৰে লুকটো সম্পূৰ্ণ কৰিছিল অভিনেত্ৰীগৰকীয়ে । ৰাখীয়ে এই ৰঙা লুকটোক বিলাহীৰ সৈতে তুলনা কৰিছে ।
ৰাখীৰ আন এটা ভিডিঅ’ত তেওঁক গাড়ীৰ পৰা নামি অহা দেখা গৈছে। গাড়ীৰ পৰা নামি অহাৰ সময়ক পাপাৰাজীক ৰাখীয়ে কয়, ‘চোৱা, আজি মই নিজেই টমেটো হৈ আহিছো । মোক কোনে খাব।' বিলাহীৰ বৰ্ধিত দাম সন্দৰ্ভত ৰাখীয়ে কয়, ‘আজিৰ শেহতীয়া খবৰটো হ’ল মই নিজেই টমেটো হৈ আহিছো, মোৰ চাটনি বনাওক, শাকত ঢালি দিয়ক, মোৰ চালাড বনাওক।’
লগতে পঢ়ক: Jawan: এ আৰ ৰহমানতকৈও অধিক মাচুল, কোন হয় জৱানৰ সংগীত পৰিচালক যিয়ে লৈছে যিয়ে ১০ কোটি টকা
লগতে পঢ়ক: Nick-Priyanka: পত্নী প্ৰিয়ংকা চোপ্ৰাৰ জন্মদিনত বিশেষভাৱে শুভেচ্ছা জনালে নিক জ’নাছে
