চিটাৰা ডেস্ক, 23 নৱেম্বৰ : বলীউডৰ ‘দেশী গাৰ্ল’ প্ৰিয়ংকা চোপ্ৰা চলিত বৰ্ষৰ জানুৱাৰী মাহত চাৰ’গেছিৰ জৰিয়তে প্ৰথমটি সন্তানৰ মাতৃ হৈছিল । জন্মৰ পিছৰে পৰা প্ৰিয়ংকাই বহুবাৰ জীয়েকৰ ছবি শ্বেয়াৰ কৰিছিল যদিও এতিয়ালৈকে মুখখন সঠিককৈ দেখুওৱা নাছিল । অভিনেত্ৰীগৰাকীৰ অনুৰাগীসকলে বহুদিনৰ পৰা প্ৰিয়ংকাৰ কন্যা মালতী মেৰী চোপ্ৰা জোনাছৰ মুখখন চাবলৈ আগ্ৰহী হৈ আছিল আৰু এতিয়া অপেক্ষাৰ অন্ত পেলাইছে অভিনেত্ৰী গৰাকীয়ে । শেহতীয়াকৈ প্ৰিয়ংকাই শ্বেয়াৰ কৰিছে কন্যাৰ এখনি মৰমলগা ফটো ৷
যোৱা নিশা প্ৰিয়ংকা চোপ্ৰাই নিজৰ ইনষ্টাগ্ৰাম ষ্ট’ৰীত কন্যা মালতী মেৰী চোপ্ৰা জোনাছৰ এখন মৰমলগা ফটো শ্বেয়াৰ কৰে (Priyanka Chopra instagram) । এই ছবিখনত মালতীক শুই থকা দেখিবলৈ পোৱা গৈছে । ঠাণ্ডাৰ পৰা ৰক্ষা কৰিবলৈ গোলাপী ৰঙৰ উলৰ টুপী পিন্ধাইছে মালতীক মাকে । কিন্তু এই ছবিখনতো মালতীৰ মুখৰ আধা অংশহে দেখা গৈছে ।
প্ৰিয়ংকা চোপ্ৰা 3 বছৰৰ পিছত ভাৰতলৈ আহিছিল
শেহতীয়াকৈ প্ৰিয়ংকা চোপ্ৰা তিনি বছৰৰ মূৰত ভাৰতলৈ আহিছিল । অহাৰ পূৰ্বে প্ৰিয়ংকা চোপ্ৰাই ছ’চিয়েল মিডিয়াত নিজৰ অনুৰাগীৰ সৈতে শ্বেয়াৰ কৰিছিল যে তিনি বছৰৰ পাছত তেওঁ নিজ দেশলৈ আহিছে । ভাৰতলৈ অহাৰ পিছত প্ৰিয়ংকাই মুম্বাইৰ নিজৰ প্ৰিয় ঠাইবোৰ পৰিদৰ্শন কৰি তেওঁৰ কিছুমান নতুন প্ৰজেক্টৰ কাম সম্পূৰ্ণ কৰে । প্ৰায় 10 দিন দেশত থাকি প্ৰিয়ংকা উভতি যায় আমেৰিকালৈ ।
লগতে পঢ়ক : Shehzada Teaser: কাৰ্তিকৰ জন্মদিন উপলক্ষে মুকলি কৰা হ’ল শ্বেহজাদাৰ টিজাৰ
