নিউজ ডেস্ক, ২১ মে': কাঁ চলচ্চিত্ৰ মহোৎসৱত জিলিকি উঠিল অসমীয়া ফেশ্বন ডিজাইনাৰৰ ডিজাইনিং ড্ৰেছ ৷ বিশ্ববিখ্যাত ফেশ্বন ডিজাইনাৰ সমূহৰ মাজত নিজৰ পৰিচয় গঢ়িবলৈ সক্ষম হোৱা অসম জীয়ৰী সংযুক্তা দত্তৰ ডিজাইনিং পোছাক পিন্ধি ব্ৰিটেইনৰ মডেলে মুহিলে উপস্থিত দৰ্শকৰ মন (Assamese designer dress at cannes) ৷
উল্লেখযোগ্য যে ব্ৰিটেইনৰ এইগৰাকী চুপাৰ মডেল ইনগ্ৰিডা ইলগিনে ২০১৯ বৰ্ষৰ কাঁ মহোৎসৱতো সংযুক্তা দত্তই ডিজাইন কৰা এসাজ পাটৰ কাপোৰ পিন্ধি বিশ্বৰ চলচ্চিত্ৰপ্ৰেমীৰ মন কাঢ়িছিল (Sanjukta Dutta dress at cannes film festival)। অসমৰ পাটশিল্পক ২০১৯ তেই কাঁ চলচ্চিত্ৰ মহোৎসৱত বিশ্ববাসীক চিনাকি কৰাই দিছিল অসমকন্যা ডিজাইনাৰ সংযুক্তা দত্তই (Model wearing Assamese designer dress at cannes) ৷
উল্লেখযোগ্য যে চলিত বৰ্ষৰ বিগত ফেব্ৰুৱাৰী মাহত অনুষ্ঠিত হৈ যোৱা নিউয়ৰ্ক ফেশ্বন উইকতো সংযুক্তা দত্তই ডিজাইন কৰা পাট-মুগাৰ সাজ পৰিধান কৰি বিশ্বৰ কেইবাগৰাকীও আগশাৰীৰ মডেলে ৰেম্পত খোজ দিছিল ।
স্মৰ্তব্য যে এইবাৰৰ কাঁ চলচ্চিত্ৰ মহোৎসৱৰ ৰেড কাৰ্পেটত সংযুক্তা দত্তই ডিজাইন কৰা পাটৰ কাপোৰ পিন্ধি খোজ পেলোৱা প্ৰখ্যাত চুপাৰ মডেল ইনগ্ৰিডা ইলগিনৰ শিৰত জিলিকি আছে Top model United Kingdom winner, Miss Film festival international ৰ দৰে খিতাপ ।
লগতে পঢ়ক: Cannes 2022: কান চলচ্চিত্ৰ মহোৎসৱত শাৰী পিন্ধি দৰ্শকক মুহিলে অদিতিয়ে
