মিছামাৰীত ৰাইজৰ সমস্যাৰ বুজ ল'লে জিলা উপায়ুক্তই

মিছামাৰীত ৰাইজৰ সমস্যাৰ বুজ ল'বলৈ উপস্থিত হ'ল জিলা উপায়ুক্ত ৷ ভাৰতীয় সেনা ছাউনীয়ে যধে - মধে পকীবেৰ নিৰ্মাণ কৰাক লৈ উত্তাল হৈ আছিল অঞ্চলটোৰ একাংশ ৰাইজ ৷

তেজপুৰ, 20 মে': মিছামাৰীত ভাৰতীয় সেনা ছাউনীয়ে যধে - মধে পকীবেৰ নিৰ্মাণক কেন্দ্ৰ কৰি কিছুদিন পূৰ্বে তীব্ৰ প্ৰতিক্ৰিয়াৰ সৃষ্টি হৈছিল অঞ্চলটোত ৷ সংবাদ মাধ্যমৰ আগত এই কাৰ্যৰ বিৰোধিতা কৰিছিল অঞ্চলটোৰ একাংশ লোকে ৷ ইয়াৰ পাছতে ৰাইজৰ সমস্যাৰ বুজ ল'বলৈ মিছামাৰীত উপস্থিত হয় জিলা উপায়ুক্ত ৷

উল্লেখ্য যে, ওচৰতে থকা গাভৰু নদীত অঞ্চলটোৰ বহুকেইখন পূজা সমিতিয়ে মূৰ্তি বিসৰ্জন দিয়ে যদিও এনেদৰে পকীবেৰ নিৰ্মাণ কৰাৰ ফলত বিবুধিত পৰিছে পূজা সমিতিকেইখন ৷