ৰঙিয়া, 25 মে' : ৰঙিয়া বাক্সা সীমান্তৰ বৰখাটাত ভয়ংকৰ পথ দুৰ্ঘটনা । চাউল ভৰ্তি বলেৰ' পিক আপ ভানে নিয়ন্ত্ৰন হেৰুৱাই পথৰ ওপৰত বাগৰি পৰে ৷ জানিব পৰা মতে AS- 25- CC 5246 নম্বৰৰ চাউল ভৰ্তি পিক আপ ভেন খনত আছিল 7 গৰকীকৈ শ্ৰমিক ৷ দুৰ্ঘটনাটোত থিতাতে নিহত হয় এজন শ্ৰমিক আৰু আহত হয় গুৰুতৰভাৱে আহত হৈছে বাহনখনত থকা আন ৬ জনকৈ শ্ৰমিক ৷
নিহত শ্ৰমিকজন তামুলপুৰৰ বৰখোপাৰ উৎপল দাস (৩৪) বুলি জানিব পৰা গৈছে । ইফালে দুৰ্ঘটনাত গুৰুতৰভাৱে আহত আটাইকেইজনকে ততাতৈয়াকৈ ৰঙিয়াৰ এখন ব্যক্তিগত চিকিৎসালয়ত ভৰ্তি কৰোৱা হৈছে । আহত লোক কেইজন ক্ৰমে ৰমণী দাস, কবি দাস, অমৰ ৰাভা, ৰবীন দাস, জ্যোতিষ দাস আৰু হাৰেজ আলী ৷
পৰৱৰ্তী সময়ত ৰঙিয়া চিকিৎসালয়ৰ পৰা সংকটজনক অৱস্থাত তিনিজনক গুৱাহাটী চিকিৎসা মহাবিদ্যালয়লৈ প্ৰেৰণ কৰা হৈছে ৷ উল্লেখ্য যে, তামুলপুৰ বহুমুখী সমবায় সমিতিৰ পৰা ৰাজহুৱা বিতৰণ ব্যৱস্থাৰ চাউল খিনি পিক আপ ভেনেৰে এজন এজেন্টৰ ঘৰলৈ নি থকা অৱস্থাতে ৰঙিয়া-ভূটান পথৰ বৰখাটাত দুৰ্ঘটনাত পতিত হয় ৷
লগতে পঢ়ক : য়াছৰ ফলত ওড়িশা-পশ্চিমবংগৰ সীমান্তত ভূমিস্খলনৰ সম্ভাৱনা
