গুৱাহাটী,৩ এপ্ৰিল : শীঘ্ৰেই অসম ভূমিত উপস্থিত হ'ব কেইবাজনো ভিভিআইপি ৷ উল্লেখ্য যে, দুদিনীয়া ভ্ৰমণসূচীৰে ২ আৰ ৩ মে'ত অসমলৈ আহিব ৰাষ্ট্ৰপতি ৰামনাথ কোৱিন্দ (President Kovind to visit Assam) । ২ আৰু ৩ মে'ত গুৱাহাটী আৰু তামুলপুৰত থাকিব ৰাষ্ট্ৰপতিৰ কাৰ্যসূচী । তামুলপুৰত অনুষ্ঠিত হ'বলগীয়া বড়ো সাহিত্য সভাৰ অনুষ্ঠানত উপস্থিত থাকিব ৰাষ্ট্ৰপতি (President Kovind to attend Bodo sahitya sabha event) ।
![president-prime-minister-home-minister-and-defence-minister-will-visit-in-assam](https://etvbharatimages.akamaized.net/etvbharat/prod-images/as-ghy-04-president-primeminister-homeminister-and-defenceminister-are-coming-to-assam-7209925_03042022220604_0304f_1649003764_750.jpeg)
আনহাতে, ২৮ এপ্ৰিলত অসমলৈ আহিব প্ৰধানমন্ত্ৰী নৰেন্দ্ৰ মোদী (PM Modi's upcoming Assam tour)। ডিফু আৰু ডিব্ৰুগড়ত আছে প্ৰধানমন্ত্ৰীৰ কাৰ্যসূচী। অসম চিকিৎসা মহাবিদ্যালয়ৰ লগতে ৰাজ্যৰ বিভিন্ন স্থানত নিৰ্মাণ সম্পূৰ্ণ হোৱা ৭ খন কেঞ্চাৰ হাস্পতালৰ শুভ উদ্বোধন কৰিব প্ৰধানমন্ত্ৰীগৰাকীয়ে । প্ৰধানমন্ত্ৰীয়ে সেইদিনা ডিব্ৰুগড়ৰ খনিকৰ পুলিচ ৰিজাৰ্ভ ফিল্ডত এক জনসভাতো অংশগ্ৰহণ কৰিব।
![president-prime-minister-home-minister-and-defence-minister-will-visit-in-assamc](https://etvbharatimages.akamaized.net/etvbharat/prod-images/as-ghy-04-president-primeminister-homeminister-and-defenceminister-are-coming-to-assam-7209925_03042022220604_0304f_1649003764_68.jpeg)
সেইদৰে, ২৩ এপ্ৰিলত গুৱাহাটীলৈ আহিব কেন্দ্ৰীয় প্ৰতিৰক্ষা মন্ত্ৰী ৰাজনাথ সিং। ৰাজনাথ সিঙৰ গুৱাহাটী ভ্ৰমণক লৈ ৫ গৰাকী শীৰ্ষ বিষয়াক ন'ডেল বিষয়া হিচাপে নিযুক্তি দিয়া হৈছে ৷ দিগন্ত বৰা, দেৱ কুমাৰ মিশ্ৰ, এম এছ মনিভান্নান, বিষ্ণু কমল বৰা আৰু লয়া মাড্ডুৰীক ন'ডেল বিষয়া হিচাপে নিযুক্তি দিয়া হৈছে।
![president-prime-minister-home-minister-and-defence-minister-will-visit-in-assam](https://etvbharatimages.akamaized.net/etvbharat/prod-images/as-ghy-04-president-primeminister-homeminister-and-defenceminister-are-coming-to-assam-7209925_03042022220604_0304f_1649003764_552.jpeg)
ইফালে, দুদিনীয়া ভ্ৰমণসূচীৰে অসমলৈ আহিব কেন্দ্ৰীয় গৃহমন্ত্ৰী অমিত শ্বাহ (Union home minister Amit Shah to visit Assam) ৷ ৯ আৰু ১০ মে'ত অসমত থাকিব অমিত শ্বাহ ৷ গুৱাহাটী, দক্ষিণ শালমাৰা আৰু তামুলপুৰত আছে কেন্দ্ৰীয় গৃহমন্ত্ৰীৰ কাৰ্যসূচী। যাৰবাবে এতিয়া দিছপুৰৰ ব্যস্ততাৰ অন্ত নোহোৱা হৈছে। ভি ভি আই পিক আদৰিবলৈ সাজু হৈছে ৰাজ্য চৰকাৰ।
![president-prime-minister-home-minister-and-defence-minister-will-visit-in-assam](https://etvbharatimages.akamaized.net/etvbharat/prod-images/as-ghy-04-president-primeminister-homeminister-and-defenceminister-are-coming-to-assam-7209925_03042022220604_0304f_1649003764_470.jpeg)