নাহৰকটীয়া, 15 মাৰ্চ : শনিবাৰে নিশা নাহৰকটীয়াত সংঘটিত হৈছে এক চাঞ্চল্যকৰ হত্যাকাণ্ড ৷ নিশা শুই থকা অৱস্থাত অচিনাক্ত দূৰ্বৃত্তই ডিঙি ৰেপি হত্যা কৰে ৰাজু লামা নামৰ এজন লোকক ৷ কৃষিকৰ্মৰে জড়িত 53 বৰ্ষীয় লোকজনে নতুনকৈ সজা ঘৰটোত শুই থকা অৱস্থাতে দূৰ্বৃত্তই হত্যা কৰি থৈ যায় ৷ পুৱা 9 বজালৈকে শুৱাপাটীৰ পৰা উঠি নহাত পত্নীয়ে উঠাবলৈ গৈ তেজেৰে লুটুৰি-পুটুৰি অৱস্থাত তেওঁক প্ৰত্যক্ষ কৰে ৷ ইয়াৰ পাচতে স্থানীয় ৰাইজ আহি আৰক্ষীক খবৰ দিয়ে ৷
ইফালে ঘটনাস্থলীত নাহৰকটীয়া আৰক্ষীৰ লগতে নামৰূপৰ উপ-আৰক্ষী অধীক্ষক কুলদীপ ভট্টাচাৰ্য উপস্থিত হৈ স্নিফাৰ ডগৰ জৰিয়তে তদন্ত আৰম্ভ কৰে৷ আনহাতে, এই ঘটনাক কঠোৰ ভাষাৰে গৰিহণা দিয়াৰ লগতে দোষীক গ্ৰেপ্তাৰ কৰি দৃষ্টান্তমূলক শাস্তি প্ৰদানৰ দাবী জনাইছে গোৰ্খা ছাত্ৰ সন্থাৰ নাহৰকটীয়া আঞ্চলিকৰ সভাপতি পুস্কৰ শৰ্মাই ৷
আৰু পঢ়ক : নলবাৰীত চিআৰপিএফৰ উদ্যোগত কৰ'ণা সজাগতা সভা আৰু ৰক্তদান শিৱিৰ
