দক্ষিণ শালমৰা, 10 জুনঃ বুধবাৰে দক্ষিণ শালমাৰা মানকাচৰ জিলাৰ অন্তৰ্গত দক্ষিণ শালমাৰা সমষ্টিৰ 24 গৰাকী গাওঁবুঢ়ালৈ বিতৰণ কৰা হয় স্মাৰ্ট ম'বাইল ফোন । পুৱা 10 বজাত জিলা সদৰ হাটশিঙিমাৰীত জিলা উপায়ুক্ত আতিকা চুলতানাই চৰকাৰীভাৱে স্মাৰ্ট ম'বাইল ফোন সমূহ 24 গৰাকী গাঁওবুঢ়ালৈ বিতৰণ কৰে । এই অনুষ্ঠানটোত জিলা উপায়ুক্ত আতিকা চুলতানাৰ লগতে উপস্থিত থাকে অতিৰিক্ত উপায়ুক্ত চইবৰ ৰহমান ।
এই সন্দৰ্ভত জিলা উপায়ুক্তগৰাকীয়ে কয় যে,এই ম'বাইল ফোনৰ যোগেদি গাওঁবুঢ়া সকলে সকলো ধৰণৰ সা-খবৰ প্রশাসনক অৱগত কৰিবলৈ সহায়ক হ'ব লগতে চৰকাৰৰ দ্বাৰা সকলো ধৰণৰ সা-খবৰো ম'বাইল ফোনৰ যোগেদি অতি সহজে লাভ কৰিবলৈ সক্ষম হ'ব । জিলা প্ৰশাসনৰ এনে পদক্ষেপে নিশ্চিত ভাবে সমাজত ইতিবাচক প্ৰভাৱ পেলাব বুলি আশা প্ৰকাশ কৰা হৈছে ।
লগতে পঢ়কঃ মুখ্যমন্ত্ৰী সৰ্বানন্দ সোণোৱালক সাক্ষাৎ ইউ পি পি এলৰ, কিন্তু কিয়?
