গুৱাহাটী, ২৬ ছেপ্টেম্বৰঃ প্ৰাপ্ত তথ্য মতে, এই বৃহৎ চক্ৰটোৰ সৈতে সাঙোৰ খাই পৰিছে চৰকাৰৰ অংশীদাৰ দল অগপৰ এজন যুৱ নেতাৰ নামো । এইগৰাকী যুৱ নেতা আগন্তুক ২০২১ ৰ বিধানসভা নিৰ্বাচনৰ বাবে এটা অত্যন্ত গুৰুত্বপূৰ্ণ সমষ্টিৰ দাবীদাৰ । দলটোৰ শীৰ্ষ নেতৃত্বৰ সৈতে অতি ওচৰ আৰু সুসম্পৰ্ক থকা এইগৰাকী যুৱনেতাৰ নাম ধৃত অভিযুক্তৰ কেইবাজনেও প্ৰকাশ কৰাত এতিয়া অগপৰ নেতৃত্ব যথেষ্ঠ অস্বস্তিত পৰিছে ।
অৱশ্যে দলটোৰ কোনো নেতাই এই প্ৰসংগত কৌশলগত কাৰণতে কোনো মন্তব্য কৰিব খোজা নাই । ইপিনে কেৱল অগপৰ যুৱ নেতাই নহয়, কেচু খান্দোতে সাপ ওলোৱাদি সাঙোৰ খাইছে আৰু বহুতৰে নাম ।
স্বয়ং মুখ্যমন্ত্ৰীৰ কাৰ্যালয়ৰে এগৰাকী প্ৰভাৱশালী আৰু গুৰুত্বপূৰ্ণ বিষয়াৰ ভাতৃৰ নামো সাঙোৰ খোৱাত অস্বস্তিত পৰিছে মুখ্যমন্ত্ৰীৰ কাৰ্যালয়ো । এইগৰাকী বিষয়াৰ ভাতৃয়ে বিভিন্ন বিভাগত নিযুক্তি দিয়াৰ নামত ইয়াৰ পূৰ্বেও নামনি অসমৰ এখন জিলাত বিভিন্নজনৰ পৰা ধন সংগ্ৰহৰ অভিযোগ উঠিছিল । এইবাৰ আৰক্ষীৰ চাকৰিৰ নামতো তেওঁ একে পন্থাকে গ্ৰহণ কৰিছিল বুলি তথ্য লাভ কৰিছে চি আই ডিয়ে ।
লগতে পঢ়ক: স্থান এৰি মান হেৰুৱালে যতীন বৰাই
