ঘন কুঁৱলীৰ বাবে বিমান বিলম্ব, পাইলটক প্ৰহাৰ অতিষ্ঠ যাত্ৰীৰ

author img

By ANI

Published : Jan 15, 2024, 1:13 PM IST

পাইলটক প্ৰহাৰ অতিষ্ঠ যাত্ৰীৰ

ঘন কুঁৱলীৰ বাবে দিল্লী বিমানবন্দৰত বহু বিমানৰ যাত্ৰা বিলম্ব হৈছে (Flight delay in Delhi)। এনে পৰিস্থিতিত ইণ্ডিগ' বিমানৰ এগৰাকী পাইলটক বিমানৰ ভিতৰতে প্ৰহাৰ কৰিলে যাত্ৰীয়ে । অৱতৰণত বিলম্ব হ'ব বুলি ঘোষণা কৰাৰ সময়তে পাইলটক আক্ৰমণ । অভিযুক্ত যাত্ৰীৰ বিৰুদ্ধে গোচৰ ৰুজু ।

নেশ্যনেল ডেস্ক,১৫ জানুৱাৰী : ঘন কুঁৱলীৰ বাবে ৰাজধানী দিল্লীত বহু বিমান আৰু ৰে'ল বিলম্ব হোৱা দেখা গৈছে । যাৰ বাবে যাত্ৰীসকলৰ মাজত হাহাকাৰ পৰিৱেশৰ সৃষ্টি হৈছে । এনে এক সময়তে এখন ইণ্ডিগ' বিমানৰ ভিতৰৰ এটা ভিডিঅ' ভাইৰেল হৈছে । য'ত এজন যাত্ৰীয়ে বিমানৰ পাইলটক প্ৰহাৰ কৰা দেখা গৈছে । জানিব পৰা মতে ঘটনাটো দেওবাৰে সংঘটিত হৈছিল । প্ৰতিকূল বতৰৰ বাবে দিল্লী বিমানবন্দৰত বিমানখনৰ অৱতৰণ পলম হোৱাৰ বিষয়ে ঘোষণা কৰি থকা অৱস্থাতে পাইলটক যাত্ৰীজনে প্ৰহাৰ কৰে ।

এয়াৰলাইনৰ সূত্ৰ অনুসৰি, পুৰুষ যাত্ৰীজনে দিল্লী-গোৱা ইণ্ডিগ' বিমানৰ (6E-2175) পাইলট অনুপ কুমাৰক আক্ৰমণ কৰিছিল । পাইলটজনে দুপৰীয়া প্ৰায় ১ মান বজাত বিমানখনৰ অৱতৰণত পলম হোৱাৰ বিষয়ে ঘোষণা কৰি আছিল । ভাইৰেল ভিডিঅ'টোত উত্তেজিত যাত্ৰীজনক পিছফালৰ আসনৰ পৰা দৌৰি অহা দেখা গৈছে আৰু পাইলটক আক্ৰমণ কৰিছে । ক্ৰু সদস্যসকলক উত্তেজিত যাত্ৰীজনক শান্ত কৰিবলৈ চেষ্টা কৰা দেখা গৈছে আৰু আন লোকসকলেও তেওঁক বহি থকাৰ পৰামৰ্শ দিয়ে । ঘটনাটোৰ ভিডিঅ' সামাজিক মাধ্যমত ভাইৰেল হোৱাৰ পিচত বিমান সুৰক্ষা সংস্থাই বিষয়টো গুৰুত্ব সহকাৰে লৈ তদন্ত আৰম্ভ কৰিছে ।

ইফালে, ইণ্ডিগ'ই যাত্ৰীজনৰ বিৰুদ্ধে আনুষ্ঠানিক অভিযোগ দাখিল কৰিছে । দিল্লী আৰক্ষীয়েও ঘটনাটোৰ উপযুক্ত ব্যৱস্থা গ্ৰহণৰ আশ্বাস দিছে । শেহতীয়া খবৰ অনুসৰি বিমান নিৰাপত্তা সংস্থাই ঘটনাটোৰ তদন্ত আৰম্ভ কৰিছে । যাত্ৰীজন চাহিল কাটাৰিয়া বুলিও চিনাক্ত কৰা হৈছে । সামাজিক মাধ্যমত পাইলটক প্ৰহাৰ কৰা ভিডিঅ'টো ভাইৰেল হোৱাৰ পাছতে বিভিন্নজনে প্ৰতিক্ৰিয়া প্ৰকাশ কৰিছে । যাত্ৰীজনৰ এই আচৰণক সমালোচনাও কৰিছে বহুতে ।

লগতে পঢ়ক :পিতৃক হত্যা কৰি ঘৰৰ চৌহদতে পুতি থ’লে কুলাংগাৰ পুত্ৰই

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.