নেশ্যনেল ডেস্ক, 27 জুন : জম্মু-কাশ্মীৰত পুনৰ নিৰাপত্তাৰক্ষী আৰু সন্ত্ৰাসবাদীৰ মাজত সংঘৰ্ষ ৷ ৰাজ্যখনৰ কুলগাম জিলাত নিৰাপত্তাৰক্ষীৰ সৈতে মঙলবাৰে হোৱা সংঘৰ্ষত নিহত হয় এটা সন্ত্ৰাসবাদী ৷ এই ঘটনাত এগৰাকী সুৰক্ষাকৰ্মীও আহত হোৱা বুলি জানিব পৰা গৈছে ৷
‘কাশ্মীৰ জ’ন’ আৰক্ষীয়ে এটা টুইটযোগে এই সংঘৰ্ষৰ কথা সদৰী কৰিছে ৷ অৱশ্যে এতিয়াও নিহত সন্ত্ৰাসবাদীটোৰ পৰিচয় জানিব পৰা হোৱা নাই ৷ লগতে নিহত সন্ত্ৰাসবাদীটো কোন সংগঠনৰ সৈতে জড়িত সেয়াও জানিব পৰা হোৱা নাই ৷ সন্ত্ৰাসবাদীটোৰ পৰা আৰক্ষীয়ে জব্দ কৰিছে অস্ত্ৰ-শস্ত্ৰ আৰু বহু আপত্তিজনক নথিপত্ৰ ৷ অঞ্চলটোত বৰ্তমানেও নিৰাপত্তাৰক্ষীয়ে অব্যাহত ৰাখিছে অভিযান ৷
-
#KulgamEncounterUpdate: 01 local #terrorist neutralised. Identification & affliation being ascertained. Incriminating materials including arms & ammunition recovered. Search going on. Further details shall follow.@JmuKmrPolice https://t.co/f2AdOK0nqa
— Kashmir Zone Police (@KashmirPolice) June 26, 2023 " class="align-text-top noRightClick twitterSection" data="
">#KulgamEncounterUpdate: 01 local #terrorist neutralised. Identification & affliation being ascertained. Incriminating materials including arms & ammunition recovered. Search going on. Further details shall follow.@JmuKmrPolice https://t.co/f2AdOK0nqa
— Kashmir Zone Police (@KashmirPolice) June 26, 2023#KulgamEncounterUpdate: 01 local #terrorist neutralised. Identification & affliation being ascertained. Incriminating materials including arms & ammunition recovered. Search going on. Further details shall follow.@JmuKmrPolice https://t.co/f2AdOK0nqa
— Kashmir Zone Police (@KashmirPolice) June 26, 2023
উল্লেখ্য যে, মঙলবাৰে কেন্দ্ৰীয় তদন্ত সংস্থা এন.আই.এ. (NIA)য়ে জম্মু-কাশ্মীৰৰ চাৰিখন জিলাৰ আধা ডজনতকৈও অধিক স্থানত সন্ত্ৰাস-সম্পৰ্কীয় গোচৰৰ তদন্তৰ অংশ হিচাবে তালাচী চলাইছিল । এই সময়ছোৱাত এন.আই.এ.ৰ (NIA) বিষয়াসকলে গুৰুত্বপূৰ্ণ নথিপত্ৰ পৰীক্ষা কৰিছিল ৷
লগতে পঢ়ক : Maoist Commander Arrested in Jharkhand : ঝাৰখণ্ডত ১০ লাখ পুৰস্কাৰ থকা মাওবাদী কমাণ্ডাৰক গ্ৰেপ্তাৰ
ৰাষ্ট্ৰীয় অনুসন্ধান সংস্থাই বান্দিপোৰা, কুলগাম, পুলৱামা আৰু শ্বপিয়ান জিলাত তালাচী চলাইছিল বুলি জানিব পৰা গৈছে ৷ NIA য়ে পুলৱামাত পি.এছ.এ.(PSA)ৰ অধীনত গ্ৰেপ্তাৰ কৰা এজন যুৱকৰ ঘৰতো তালাচী চলাইছিল ৷ ৰত্নিপোৰা অঞ্চলত গোলাম মহম্মদ মীৰৰ পুত্ৰ মুদাছাৰ আহমেদ মীৰৰ বাসগৃহ আৰু চিহাত্ৰগন্দ কাকাপোৰাত মহম্মদ আকবৰ গনাইৰ পুত্ৰ গোলাম মহম্মাদৰ গনাইৰ ঘৰতো চলাইছিল অভিযান ৷
এই সময়ছোৱাত, তদন্তকাৰী দলটোৱে মহম্মদ গানাইক গ্ৰেপ্তাৰ কৰে ৷ অভিযানৰ সময়ত ইলেক্ট্ৰনিক সঁজুলিবোৰো পৰীক্ষা কৰিছিল NIA য়ে ৷ ইয়াৰ পূৰ্বে 24 জুনত জম্মু-কাশ্মীৰৰ পুঞ্চ জিলাত সন্ত্ৰাসবাদীয়ে সীমা অতিক্ৰম কৰি ভাৰত প্ৰৱেশ কৰাৰ চেষ্টা কৰাৰ সময়ত সংঘটিত হৈছিল সংঘৰ্ষ ৷ এই সংঘৰ্ষত ভাৰতীয় সেনাৰ এজন জোৱান আহত হোৱাৰ তথ্য লাভ কৰা হৈছিল ৷
লগতে পঢ়ক : Manipur Violence : ২৪ ঘণ্টাৰ ভিতৰত উগ্ৰপন্থীৰ ১২ টা বাংকাৰ ধ্বংস
