নেশ্যনেল ডেস্ক,18 ছেপ্টেম্বৰ: আহমেদাবাদ পৌৰ নিগমৰ মণিনগৰ অঞ্চলস্থিত এল জি হাস্পতালৰ চৌহদত নিৰ্মিত মেট মেডিকেল কলেজৰ নতুনকৈ নামাকৰণ কৰিলে সংশ্লিষ্ট কৰ্তৃপক্ষই(Medical college renamed as Narendra Modi) ৷ সমিতিৰ এক বৈঠকযোগে সৰ্বসন্মতিক্ৰমে চিকিৎসা মহাবিদ্যালয়খনৰ নামকৰণ নৰেন্দ্ৰ মোদীৰ নামেৰে কৰাৰ বাবে সিদ্ধান্ত গ্ৰহণ কৰা হয়(PM Narendra Modi) ৷
শনিবাৰে প্ৰধানমন্ত্ৰীৰ জন্মদিনত এই সিদ্ধান্ত কাৰ্যকৰী কৰে বিজেপি শাসিত আহেমদাবাদ পৌৰ নিগমে (Bjp celebrated PM birthday)। ২০ বছৰ পূৰ্বে মণিনগৰ সমষ্টিৰ পৰা প্ৰধানমন্ত্ৰীয়ে নিৰ্বাচনত প্ৰতিদ্বন্দ্বিতা আগবঢ়াইছিল ৷ অঞ্চলবাসী ৰাইজৰ সুস্বাস্থ্য তথা স্থানীয় ছাত্ৰ-ছাত্ৰীসকলে চিকিৎসা বিজ্ঞানৰ শিক্ষাগ্ৰহণৰ বাবে যাতে অন্য ৰাজ্যলৈ যাব নালাগে তাৰ বাবে মহাবিদ্যালয়খনৰ ভেঁটি স্থাপন কৰিছিল বৰ্তমানৰ প্ৰধানমন্ত্ৰীগৰাকীয়ে ৷ সেয়ে চিকিৎসা মহাবিদ্যালয়খনৰ নাম সলনিৰ সিদ্ধান্ত গ্ৰহণ কৰে বুলি স্থায়ী সমিতিৰ অধ্যক্ষ হিতেশ বাৰটে জানিবলৈ দিয়ে ৷
বিগত বৰ্ষত গুজৰাটৰ চৰ্দাৰ পেটেল ষ্টেডিয়ামৰ নাম সলনি কৰা হৈছিল প্ৰধানমন্ত্ৰীৰ নামেৰে(Sardar Patel Stadium renamed as Narendra Modi) ৷ ইয়াৰ পিছতে বিতৰ্কৰ সূচনা হৈছিল ৷ কংগ্ৰেছে পুনৰ ষ্টেডিয়ামখনৰ নাম চৰ্দাৰ পেটেল ৰখাৰ দাবী উত্থাপন কৰিছিল ৷ বিশ্বৰ সৰ্ববৃহৎ এই ষ্টেডিয়ামখনত ১,২৫,০০০ লোকে একেলগে খেল উপভোগ কৰিব পাৰে ।
লগতে পঢ়ক: RSSৰ দশেৰা উৎসৱলৈ প্ৰথমবাৰলৈ আমন্ত্ৰিত এগৰাকী মহিলা
