নেশ্যনেল ডেস্ক,৯ মে': দিল্লীৰ মুখ্যমন্ত্ৰী অৰবিন্দ কেজৰিৱালৰ চৰকাৰী বাসভৱনৰ নিৰ্মাণ আৰু মেৰামতিক লৈ বিতৰ্ক অব্যাহত আছে (Delhi CM residence corruption row)। ইতিমধ্যে কংগ্ৰেছে অভিযোগ কৰা মতে মুখ্যমন্ত্ৰীৰ বাসগৃহ মেৰামতিৰ নামত বেআইনীভাৱে কোটি কোটি টকা খৰচ কৰা হৈছে ।
![Delhi CM residence corruption](https://etvbharatimages.akamaized.net/etvbharat/prod-images/del-ndl-01-lg-probe-order-cm-house-vis-7201354_09052023153212_0905f_1683626532_342.jpg)
কংগ্ৰেছে এই বিষয়টো লেফটেনেণ্ট গৱৰ্ণৰ ভি কে চাক্সেনাকো অৱগত কৰিছিল । কংগ্ৰেছৰ অভিযোগৰ প্ৰতি সঁহাৰি দিছে লেফটেনেণ্ট গৱৰ্ণৰ ভি কে চাক্সেনাই । ভি কে চাক্সেনাই ৭ দিনৰ ভিতৰত দিল্লী চৰকাৰৰ মুখ্য সচিবৰ পৰা প্ৰতিবেদন বিচাৰিছে (Congress allegation against Delhi AAP govt)।
মুখ্যমন্ত্ৰী কেজৰিৱালৰ চৰকাৰী বাসভৱনত কোটি কোটি টকা ব্যয়ৰ বিষয়ে সংবাদ মাধ্যমৰ প্ৰতিবেদনত বিজেপি নেতাসকলে প্ৰতিক্ৰিয়া প্ৰকাশ কৰিছিল । বিজেপিৰো অভিযোগৰ প্ৰতি গুৰুত্ব আৰোপ কৰি লেফটেনেণ্ট ৰাজ্যপালে ইতিমধ্যে মুখ্য সচিবক বিষয়টোত প্ৰতিবেদন আৰু তদন্ত কৰিবলৈ কৈছে (Congress slams Delhi CM)। ইয়াৰ মাজতে কংগ্ৰেছ নেতা অজয় মাকেনেও মুখ্যমন্ত্ৰীৰ চৰকাৰী বাসভৱন নিৰ্মাণত হোৱা অনিয়মৰ বিষয়ে বিতং প্ৰতিবেদন বিচাৰিছে ।
![Delhi CM residence corruption](https://etvbharatimages.akamaized.net/etvbharat/prod-images/del-ndl-01-lg-probe-order-cm-house-vis-7201354_09052023153212_0905f_1683626532_804.jpg)
জ্যেষ্ঠ কংগ্ৰেছ নেতা অজয় মাকেনে কৈছে যে দিল্লীৰ বাংলো অঞ্চলত চিভিল লাইন অন্তৰ্ভুক্ত কৰা হৈছে । মাষ্টাৰ প্লেনত লিখা হৈছে যে তাত উচ্চ অট্টালিকা নিৰ্মাণ কৰিব নোৱাৰি ।
উল্লেখ্য যে, মুখ্যমন্ত্ৰী অৰবিন্দ কেজৰিৱালে চিভিল লাইনছৰ ৬ ফ্লেগ ষ্টাফ ৰোডত বাস কৰা বাংলোটো এটা এমহলীয়া ভৱন আছিল । তাত কংগ্ৰেছ নেতা চৌধুৰী প্ৰেম সিঙে বিধানসভাত অধ্যক্ষ হৈ থাকোতে আছিল । ইয়াৰ পাছত, অমৰীশ গৌতমেও তাত বাস কৰিছিল । এতিয়া ইয়াক ভাঙি পেলোৱা হৈছে আৰু তাত বেচমেণ্ট, তলৰ মহলা, প্ৰথম মহলা, দ্বিতীয় মহলা তৈয়াৰ কৰা হৈছে । যদি তলৰ ঘৰটো আঁতৰোৱা হয়, তেন্তে ই তিনি মহলা হ'ব । তাৰ ভিতৰত ২০ হাজাৰ বৰ্গফুটৰ এটা নিৰ্মিত এলেকা আছে । ই মাষ্টাৰ প্লেন আৰু ঐতিহ্য আইনৰ উলংঘন ।
কংগ্ৰেছ নেতা অজয় মাকেনে লেফটেনেণ্ট গৱৰ্ণৰক কৰা অভিযোগত কৈছে যে কেজৰিৱালৰ বাংলো নিৰ্মাণৰ কামত ৪৫ কোটি টকা নহয় ১৭১ কোটি টকা হে খৰচ কৰা হৈছে (Congress on Delhi CM residence construction)। দিল্লীত মানুহে অক্সিজেন আৰু চিকিৎসালয়ৰ নাটনি অনুভৱ কৰাৰ সময়ত মুখ্যমন্ত্ৰী কেজৰিৱালে ১৭১ কোটি টকা খৰচ কৰি এটা প্ৰাসাদ নিৰ্মাণ কৰিছে বুলিও তেওঁ অভিযোগ কৰিছিল ।
লগতে পঢ়ক :Delhi CM residence corruption row: দিল্লীৰ মুখ্যমন্ত্ৰীৰ বিৰুদ্ধে পুনৰ সৰৱ কংগ্ৰেছ