নিউজ ডেস্ক, 25 জুলাই: এটি জনজাতীয় জনগোষ্ঠীৰ পৰা অহা নৱনিৰ্বাচিত ৰাষ্ট্ৰপতি দ্ৰৌপদী মূৰ্মুৱে সোমবাৰে ৰাষ্ট্ৰপতি ভৱনত উপস্থিত হৈ বিদায়ী ৰাষ্ট্ৰপতি ৰামনাথ কোবিন্দ আৰু তেওঁৰ পত্নী সবিতা কোবিন্দক সাক্ষাৎ কৰে । আৰু কেইটিমান মূহুৰ্তৰ পাছতেই ভাৰতৰ ১৫ সংখ্যক ৰাষ্ট্ৰপতি হিচাপে শপত ল’ব মূৰ্মুৱে (New President of India Droupadi Murmu) । সংসদৰ চেন্ট্ৰেল হলত অনুষ্ঠিত হ’ব নৱনিৰ্বাচিত ৰাষ্ট্ৰপতি দ্ৰৌপদী মূৰ্মুৰ কাৰ্যভাৰ গ্ৰহণৰ অনুষ্ঠান ।
মূৰ্মুক কেন্দ্ৰীয় প্ৰেক্ষাগৃহলৈ লৈ যাব দেশৰ প্ৰধানমন্ত্ৰী নৰেন্দ্ৰ মোদী, উপ-সভাপতি তথা ৰাজ্যসভাৰ অধ্যক্ষ এম ভেংকয়া নাইডু, লোকসভাৰ অধ্যক্ষ ওম বিৰলাই । দ্ৰৌপদী মূৰ্মু চেন্ট্ৰেল হলত উপস্থিত হোলাৰ লগে লগে কেন্দ্ৰীয় প্ৰেক্ষাগৃহত বজোৱা হ’ব জাতীয় সংগীত । ইয়াৰ পিছতেই ভাৰতৰ মুখ্য ন্যায়াধীশ এন ভি ৰমনাৰ উপস্থিতিত দ্ৰৌপদী মুৰ্মুৱে শপত গ্ৰহণ কৰিব ।
